Berpirsekî di Hevbendiya Niştimanî ya Hêzên Şoreş û Rikberiya Sûriyê de diyar kir, ku Rûsiya hewla sepandina ketwarê darezorê û çareseriyên siyasî, bi rêka bikaranîna operasyonên leşkerî û encamên wê dike, û tekez kir ku tu çareserî di Sûriyê de nabe bê dabînkirina daxwazên milet.
Û Emîndarê Desteya Siyasî Ya Hevbendiya Niştimanî Riyad Elhesen “tawanên şer li Helebê û bajarên din” yên li ser destê hêzên Esed û Rûsiya û çeteyên Îranê dibin şermezar kir, û got ku “Potîn hewl dide çareseriyan bisepîne li gor berjewendiên welatê xwe, ku bikevin di xizmeta çareserkirina nakokiyên di navbera Rûsiya û Yekîtiya Ewropa de li ser hesabê doseya Sûriyê, piştî sepandina sizayan yên ji ber Okraniya li ser Rûsiyayê, û herwiha hewl dide têkçûna aboriya welatê xwe rawestîne piştî kêmbûna nirxên neftê”.
Elhesen bal kişand ku ev çareserî “neguncayî ne bi rêkeftinên navdewletî re, û nemaze piştî bikaranîna derencamên şerê Helebê yê ku ji piştî duwemîn şerê cîhanê têde dirindtirîn kuştar hatine encamdan”.
Elhesen got ku Mosko hewldanan ji bo sepandina opozisyoneka nû ku ji aliyê wê û rijêma Esed û Îranê ve hatiye çêkirin dike, ji bo bicihkirina wan çareseriyan yên neguncayî ne bi biryarên navdewletî yên taybet bi karubarê Sûriyê re, û dît ku armanc ji van hewldanan ew e bihêzkirina rijêma Esed û cêgîrkirina hikumraniya wê ya dîktatorî ye.
Li aliyek din, Nexem Xadirî dît ku hewlên Mosko û Tehranê ji bo berdewamiya desthilata rijêma Esed, ji ber ku ralîteya wê digunce bi ralîteya Rûsiya, ku ew li ser binyatgeriya “çetegerî û bandên mafiya ne”, û got ku Potîn Rûsiya bi heman rêbazê birêve dibe.
Xadirî tekez kir ku gelê Sûriyê raperî ji bo bidestxistina azadî û rûmetiya xwe, û wê pêdagiriyê bike li ser daxwazên xwe heta bidestxistina wan .
Jêder: Nivîsîngeha Ragihandina Hevbendiya Niştimaniya Sûriyê