Xalid Xoca Serokê Hevbendiya Niştimanî dupat kir ku serkirdayetiya dewleta Qeter pabendiya xwe bi piştgiriya maf û daxwazên gelê Sûriyê jibo azadî û rûmet û rizgariya xwe ji dest rêjîma Esed û çeteyên wê dubare kir.
Xoca di dawiya serdana xwe de ya Qeter got : ” dewleta Qeter bi Mîr û Hikûmet û Gelê xwe ve û her ji destpêka şoreşa rûmet û azadiyê li kêlek gelê Sûriyê rawestiya, û îro jî ku ew digel dewletên Encûmena Hevkariya Kendavê rijde li ser pêwistiya jinavbirina rêjîma zordar Beşar Esed, û hîç çareseriyek siyasî nabe bê jikarkêşana Esed û neçarkirina rêjîma wî li ser Careseriya Siyasî ku têde daxwazên gelê Sûriyê bo avakirina dewleta yasa û wekheviyê dabîn bibin “, têzanîn ku şandeyeka mezin ji Hevbendî û Hikûmeta demkî bi serokayetiya Xoca bo maweyê du rojan çûbû serdana Qeterê.
Xoca amaje kir ku Qeter û dewletên kendava Erebî ji her demeke bûrî bêhtir hest bi metirsiya hiştina gelê Sûriyê tenha û bitenê dikin di dijberiya rêjîma qirkirina bikomel û hevalbendên wê yên herêmî”.
Serokê Hevbendiyê got ku: “dewleta Qeter her ji destpêkê û heta niha jî palpiştekî serekî bû bo gelê Sûriyê di hemû ast û waran de, wê berdewamî da piştgiriya xwe, û duqat li ya berê ji ber zêdebûna êş û azarên Sûriyan, ku bûye mezintirîn bobilata mirovî her ji duwemîn Cenga Cîhanî û heta vê gavê”.
Jêder:Hevbendî
