Emîndarê Giştî yê Hevbendiya Niştimanî ya Sûrî Heysem Rehmê, binpêkirinên dubare yên nobedarên perava Yonanistanê dermafê koçberên Sûrî şermezar kirin, û diyar kir ku ev yek binpêkirin e ji yasa û peymanên navdewletî re, yên parastin û guhdanê ji kesên mafê penaberiyê xwestine re dabîn dikin.
Û Rahmê got ku divê civaka navdewletî bilez û bi awayekî kartêker destwerdanê bike, daku koçberên Sûriyê yên ku hewl didin ku xwe bigihînin Ewropayê ji bo bidestxistina jiyaneke rûmetdar biparêze, piştî ku rijêma Esed ew neçar kirin ku birevin û daxwaza mafê penaberiyê bikin.
Û bal kişand ser raportên belgekirî yên derbarê kiryarên nobedarên Perava Yonanistanê, eşkere dikin ku ew qeyikên penaberan bi mebest binav dikin, ku bûye sedema ku hin ji penaberan canê xwe ji dest bidin, û got ku lêdana kesên ku rizgar bûne û dizîna malên wan tawaneke cengê ye.
Û Emîndarê Giştî hişyarî da û got ku sedema sereke ya hiştiye ku Sûrî di deryayan re derbas dibin û jiyana xwe têxin metirsiyê de rijêma Esed û sîstema wê ya tawankar e, yên ku xelkê Sûriyê koçber kirine, bajarên wan bombebaran kirine, û jiyan li wan teng kirine, ji bilî astengiyên ku xelkê Sûriyê li hin dewletên ku lê bicî bûne dibînin.
Û Rehmê got ku ji mafê Sûriyan e mîna gelên cîhanê bi aramî bijîn, û derdeseriyên wan ên dirêj bi dawî bibin, û rêya çareseriyê diyar e, û berpirsiyariya civaka navdewletî ye di riya kartêkerkirina biryara navdewletî 2254 û pêkanîna veguhestina siyasî re, û xebateke cidî bo sizakirina rijêma Esed û hevalbendên wê li ser tawanên cengê yên ku di yanzdeh salên bûrî de pêk anîne bibe.
Jêder: Ofîsa Ragihandinê ya Hevbendiya Niştimanî ya Sûrî
