Cîgira Serokê Hevbendiya Niştimanî ya Sûrî Ruba Hebûş, tekez kir ku rijêma Esed pîstirîn tawan dijî gelê Sûriyê û nemaze dermafê jinên Sûriyê pêk anîne, û got ku jina Sûrî ji berê de bi dirêjiya 50 salî ji desthilatdariya hafiz Esed bibû qurbanî, û bal kişand ser ku piştguhkirina cîhanê ji van tawanan re û bêzariya di sizakirina rijêmê de welat kire mezintirîn cihê ku têde tundî dijî jinê tê bikaranîn.
Û tekez kir ku nehêlana tundiya dijî jinê li Sûriyê bi rizgariya ji rijêma Esed ve girêdayî ye, ji ber ew rijêm jinê weke alavekî bikar tîne, di riya girtin û bikaranîna tundiyê dijî wê, daku fişarê li ser xizm û malbata wê bike, û rijêmê cûrbecûr awayên tund û tûjiya rêbazkirî dermafê wê pêk anîn.
Tê zanîn ku Tora Mafên Mirovan ya Sûrî di raporeke nû de bi boneya Roja Jinê Ya Cîhanî belge kir, ku ne kêmtir ji 16 hezar û 104 jinan li Sûriyê ji sala 2011an de hatine kuştin, û bêhtirê wan li ser destê rijêma Esed bûn.
Û raporê diyar kir ku rijêma Esed di ber kuştina 11hezar û 923 afretan de berpisyar e, û hêzên Rûsiya 969 jin kuştine, û 587 jin li ser destê rêxistina Daiş hatin kuştin, û 161 li ser destê milîsên PYD hatin kuştin.
Û raporê bal kişand ser ku ne kêmtir ji 9264 jinan hîna li Sûriyê girtî an bi awayekî kotekî binçavkirî ne, ji wan 8029 jin li bal hêzên rijêma Esed in.
Jêder: Ofîsa Ragihandinê ya Hevbendiya Niştimanî ya Sûrî
