Saziya Berevaniya di ber Demokrasiyê de li Waşintonê, di 12demîn salvegera şoreşa Sûrî de, daxwaza rawestandina diziya alîkariyên mirovî ji aliyê rijêma Esed ve kir, û Saziyê pêşniyarên xwe ji rêveberiya Amerîkî re berî çend rojan ji lidarxistina konferansa alîkariyên navdewletî ji bo piştgiriya qurbaniyên erdheja ku li Sûriya û Tirkiyeyê xistiye, pêşkêş kir.
Û rapora saziyê amaje bi wê yekê kir ku Amerîka mezintirîn bexşînkara alîkariyê ye bo Sûriyê, bi zêdetir ji 14.1 milyar dolarî, lê berûvajî Rusyayê, roleke Amerîka ya vebir di diyarkirina cihê ku divê ew alîkarî biçnê û awayên gihandina wan de nîne.
Û raporê pênc bendên bingehîn ên stratejiya arastekirina alîkariyan bi awayekî rasterast ji gelê Sûriyê re anîn ziman, da rijêma Esed wan alîkariyan bikar neyne, û xezîneya xwe pê tijî neke, û hêzên xwe yên leşkerî yên ku tundûtûjiyê li dijî gelê xwe bikar tînin fînanse neke.
Û saziyê di xala yekem de ji Koşka Spî û Wezareta Derve û berpirsên sereke xwest ku bi zelalî pirsgirêkê diyar bikin û qedexekirina veguhestina alîkariyan bo Sûriyê ragihînin, eger Esed dest ji desteserkirina wan bernede, û di xala duyem de xwest ku hevahengiyê li gel hevpeymanan bike ji bo nehiştina şandina alîkariyan, û sûdê ji rola wan li gel Amrîka weke bexşînkar bibîne, û daxwaza çaksaziyin destnîşankirî bike.
Û di xala sêyemîn de behsa vejandina mîkanîzmayên çavdêriyê di nav Netewên Yekbûyî de û çaksazkirina operasiyonên alîkariyê li Sûriyê kir, û di xala çaran de giringî da danûstandinên nû li ser şert û mercên peywendiyên di navbera ajansên Netewên Yekbûyî û hikûmeta rijêmê de, ji Kongresê xwest ku bi rêya desthilata xwe ya darayî şert û mercên gihandina alîkariyan bo Neteweyên Yekbûyî û pêşkêşkerên xizmetguzariyê yên din re diyar bike, ji bo rawestandina diziya alîkariyan ji hêla Esed ve.
Û berî bi demekê Hevbendiya Niştimanî di daxwiyaniyeke xwe de cextî li ser dîtina mîkanîzmayeke nû kiribû ji bo misogerkirina gihandina berdewam a alîkariyan ji gelê Sûriyê re, da bihêle xelk li hember şert û mercên jiyana dijwar yên bi sedema terora rijêma Esed û milîsên wê rawestin, daku nehêlin ev alîkarî bighêjin milîsên şerkar yên ku piştgiriya rijêma Esed dikin.
Û Hevbendiya Niştimanî daxwaz kir ku giringî bo vê çarçoveyê bête dan, ji ber ku nepêkan e bobelat bi berdewamiya alîkariyan tenê were bidawîkirin, bêyî ku bizav bên kirin di warê pêkanîna veguheztina siyasî de li gorî biryara 2254, yaku daxwazên gelê Sûriyê yên avakirina Sûriyeke nû bêyî rijêma Esed a ku sedema sereke ya vê tirajîdiyê ye pêk bîne.
Jêder: Ofîsa Ragihandinê ya Hevbendiya Niştimanî ya Sûrî
