Tilfizyonê CBSn yê Emrîkî diyar kir ku bi hezaran belgeyên hikûmî derketine derveyî sûriyê, û Komîteya Dadê û Lêpirsînê ya Navdewletî yaku piştgiriya darayî ji Emrîka û kesin sûrî werdigre ew belge erşivandin.
Û ew erşîv bêhtir ji 900 hezar belgeyî hikûmetî yên ku ji Sûriyê bi qaçaxî derketine vedihewîne, û têde delîlên bi hêz hene, û ew delîl tekez dikin ku rijêm û di serî de Beşar Esed tewanên cengê dijî gelê sûrî pêk anîne.
Û Serokê Encûmena Komîteyê û Dozgerê Giştî yê berê, Stephen Raab got ku bêguman ev belge girêdayî Beşar Esed in, û ev belge rêkûpêk in û navê Esed li ser heye û ji jor da daketine jêr.
Û di navbera pirograma 60 xulekî da got ku eşkere ye wî ev stratîciya lidar xistiye, lewra em têde fermanên ji jor ve hatine ku xelkê binçav bikin dibînin, û di dû re em careke dî raporên vegeryane aliyên ew ferman deranîne dibînin, û têde pirogramên wek komkirina pir laşeyan hene.
Û dît ku dadgehkirina Beşar Esed dê wek Lêdaneke dijwar be, di dema hebûna bi hezaran ji wêneyên qurbaniyan yên ji hêla alîgirên Esed ve ta mirinê hatine îşkencekirin, û bi ser de kaxesa kuştina wan bi diktatorê sûrî ve girê dide, li gorî gotina wî.
Û kenala Emrîkî hebûna delîlên dijî seriyê rijêma Beşar Esed derbarê pêkanîna tewanên cengê de bêhtir ji yên dijî naziyan hene tekez dike, naziyên ku bi belgekirina hovîtiyê navdar bûn, û li gor agahiyên qenala tilfizyonî naziyan ti wêne ji wêneyên qurbaniyên xwe li gel zanyarî û pênasîna wan wek rewşa tewanên rijêma Esed nekşandine.
Jêder: Ofîsa Ragihandinê ya Hevbendiya Niştimanî ya Sûrî
