Girûpa kar ji bo Filestîniyên li Sûriyê, anî ziman ku bêhtir ji 110 ji jinên penaber yên Filestînî hîn di rewşa binçavkirina kotekî de ne li bal amûrên ewlekariyê û zîndanên rijêma Esed, û got ku ew jin li pêşiya dergeh û deriyên Kampên Filestînî û rêbendên ewlekariyê li bajarên Sûriyê hatibûn girtin.
Û Girûpa Kar di rapora xwe ya îro de tekez kir ku wê 34 jinên Filestînî yên ji ber îşkencê di zîndanên rijêmê de canê xwe ji dest dane belge kiriye, û got ku amûrên ewlekariyê çarenûs û navên girtiyên filestînî yên jin ên li bal xwe diyar nake, ew jî dihêle ku belgekirina çi agahiyan derbarê wan jinan pir dijwar be.
Û rapora Girûpa Kar bal kişand ser ku di hemû kampên filstniyan de girtî hene, çi di zîndanên rijêmê de bin an li bal girûpên bi ser rijêmê ve bin.
Û serhejmarên Girûpa Kar dibêje ku bêhtir ji 1787 Penaberên Filestînî li ser destê amûrên ewlekariyê yên rijêma Esed ji adara sala 2012yan de hatine girtin, di dema ku hejmara rasteqîn ji girtiyan re dibe ku ji vê hejmarê bêhtir be, ji ber ku serhejmarên fermî ji girtiyên filestînî re li sûriyê nehatine çêkirin.
Jêder: Ofîsa Ragihandinê ya Hevbendiya Niştimanî ya Sûrî