Girûpa Kar ji bo Filestîniyên Sûriyê, diyar kir ku wê 638 penaberên Filistînî yên ku ji aliyê hêzên îstixbarata rijêmê ve hatibûn girtin û ji ber îşkenceyê hatine kuştin belge kiriye, 37 jin di nav wan de hebûn, û (77) ji wan bi rêya wêneyên Qeyser hatine eşkerekirin.
Û Raportê bal kişand ser ku asayîşa rijêmê bidehan belgeyên nasnameyên lawên ku bûne qurbaniyên îşkencê radestî malbatên wan kirine, di dema ku tîma çavdêriyê di Girûpa kar de mirina zêdetir ji 50 qurbanî ji xelkê kampan piştî serdaneke bo rêvebiriya nasnameyê belge kirin.
Û bal kişand ser ku bihezaran penaberên Filistînî, di nav wan de jin û zarok, di navendên binçavkirinê yên rejêmê de hîna çarenûsa wan ne diyar e, û rastî binpêkirinên mezin tên, her weha rastî kiryarên herî dijwar ên nemirovane û îşkenceyên rêbazkirî tên.
Û Girûpa Kar dîdevaniyên girtiyan veguhestin û têde tekez kirine ku kiryarên nemirovane yên hêzên ewlekariyê dijî girtiyan bi giştî û jinên filistînî bi taybetî pêk tên, di nav wan amûrên îşkencê de çovên elektrîkê, daliqandin, lêdana bi qamçiyan û bi darên hesinî bikar tên, her weha destdirêjiya cinsî û cûreyên din ên îşkenceyê.
Û Girûpa Kar ji bo Filestîniyên Sûriyê, daxwaza eşkerekirina rewşa bi sedan girtiyên filistînî yên ku çarenivîsa wan ne diyar e kir, û tekez kir ku tiştê ku di hundirê girtîgehên Sûriyê de dermafê filistîniyan pêk tê bi hemû pîvanan tawana cengê ye.
Jêder: Ofîsa Ragihandinê ya Hevbendiya Niştimanî ya Sûrî
