Tîma Çavdêriyê ya “Girûpa Kar ji bo Filistîniyên Sûriyê” anî ziman ku hejmara girtiyên jin ên Filistîniyên Sûrî yên di girtîgehên rijêma Esed de gihiştiye 110 kesan, û cihê binçavkirina wan nayê zanîn, û ti agahî derbarê çarenivîsa wan nînin, ji ber ku amûrên ewlekariyê agahiyan derbarê wan nadin.
Û Girûpa Kar îro di daxwiyaniyekê de got ku 498 jinên penaberên Filistîniyên Sûrî di yanzdeh salên bûrî de mirine, û bal kişan ser ku gelek sedemên mirinê hene, çi bi topbarankirina rasterast ji cihên wan ên niştecihbûnê re be, an bi sedema pevçûn û dorpêçkirin û îşkencekirina ta mirinê di girtîgehan de be, an jî li ser riyan di dema koçberiyê de be.
Û Girûpa Kar duh bal kişandibû ser ku neh girtiyên Filestînî di sala 2022an de di zindanên rijêma Esed de mirine, û hejmara qurbaniyên penaberên filestînî yên di zindanan de mirine gihişt 643 kesan, jin û zarok jî di nav wan de hene.
Û Girûpa Kar tekez dike ku tiştê di hundirê girtîgehên Sûriyê de dermafê penaberên Felestînî dibe, tawaneke cengê ye li gorî hemû pîvanan, ji ber ku rijêm binpêkirinên xwe yên îşkence, kuştin û windakirina bi darê zorê li dijî girtiyan berdewam dike.
Hêjayî gotinê ye ku hejmara qurbaniyên filistînî yên ku ji aliyê tîma çavdêriyê ya Girûpê ve hatine belgekirin 4147 qurbanî ne, û hejmara giştî ya girtiyan gihîştiye 1800 kesî.
Jêder: Ofîsa Ragihandinê ya Hevbendiya Niştimanî ya Sûrî
