Tora Sûrî ya Mafên Mirovan di raporta xwe ya mehane ya taybet bi rewşa mafên mirovan li Sûriyê de, kuştina 64 sivîlan, 14 zarok û 2 jin di nav wan de hebûn, di heyva mijdara 2022an de belge kiriye.
Û raporta saziyê kuştina 6 kesan bi sedema îşkenceyê li Sûriyê û pêkhatina nekêmtir ji 2 komkujiyan di mehekê de belge kiriye, herwiha raportê berdewamiya êrişên hêzên Rusya yên asmanî li ser bakurê rojavayê Sûriyê şopandiye.
Û Raporê girtina nekêmtir ji 196 kesan bi awayekî kotekî diyar kir, 11 zarok û 3 jin di nav wan de hebûn, û rêjeya herî mezin ji wan li ser destê hêzên rijêma Esed li parêzgehên gundewarê Şamê bû, û piştre Şama paytext û dûvre Daraa bûn.
Û Raporê got ku di heyva bûrî de ne kêmtir ji 19 êrîşan navendên giring yên sivîl armanc kirin, 6 ji wan ji aliyê hêzên rijêmê ve li parêzgeha Idlibê bûn, û 3 li ser navendên perwerdehiyê bûn, û 6 jî li ser kombûnên kampên derbideran bûn.
Û Rapora mafnasî tekez kir ku hêzên rijêmê mûşekên bi bombeyên goşeyî barkirî di bombebarana xwe de li ser devereke çiyayî ya tijî kampên derbideran li rojavayê Idlibê di 6ê mijdarê de bikar anîn, û êrîş bû sedema komkujiyekê ku 9 sivîl têde hatin kuştin, 4 zarok , 2 jin û fetusek di nav de hebûn.
Û rapora saziya mafnasî amaje bi wê yekê kir ku hejmara kuştiyên bi sedema mayînan di heyva bûrî de gihiştiye 6 sivîlan, zarokek di nav wan de hebû, û bi vê yekê hejmara kuştiyên bi mayînan ji destpêka îsal ve gihiştiye 122 sivîlan, 62 ji wan zarok û 9 jin bûn.
Û Raporê tekezî li ser pêwîstiya ku Rijêma Esed operesyonên xwe yên bombebarankirina bêserûber, armanckirina deverên niştecihbûnê, nexweşxane, dibistan û bazaran rawestîne, her weha bikaranîna cebilxane û bombeyên qedexekirî û bermîlên teqîner, û pabendbûna bi biryarên Encûmena Ewlekariyê ya Navdewletî û yasaya mirovî ya naskirî bike.
Û Tora Mafên Mirovan di raporta xwe de daxwaz ji Encumena Ewlekariyê ya Navdeweletî kir ku rêşûnên zêdetir piştî derketina biryara jimare 2254 bistînê, û tekezî li ser şandina dosya Sûriyê bo Dadgeha Tawanan ya Navdewletî kir, û hemû kesên ku di tawanan de beşdar tevî Rijêma Rusya siza bibin, nemaze piştî ku hatiye çespandin ku ew tevlî tawanên cengê bûye.
Jêder: Ofîsa Ragihandinê ya Hevbendiya Niştimanî ya Sûrî