Tora Sûrî ya Mafên Mirovan bi boneya Roja Cîhanî ya Azadiya Çapemeniyê, rapora xwe ya salane derbarê binpêkirinên herî berçav dermafê ragihêneran li Sûriyê eşkere kir, û bal kişand ser kuştina 715 rojnamevan û xebatkarên medyayê ji destpêka şoreşa Sûrî di adara 2011 de heta gulana 2023, 52 ji wan ji ber îşkenceyê canê xwe ji dest dan.
Û rapora Mafnasî tekez kir ku rijêma Esed di ber rêjeya 91% ji hejmara kuştiyên bi sedema îşkencekirinê di navendên xwe yên girtinê yên fermî û nefermî de berpisyar e, her weha rijêm berpirsyara 85% ji binpêkirinên li dijî rojnamevan û xebatkarên ragihandinê li Sûriyê ye
Û raporê kuştina 715 rojnamevan û xebatkarên medyayê, 7 zarok û 6 jin û 9 rojnamevanên biyanî yên nav wan de hebûn, tomar kiriye, her weha birîndarbûna ne kêmtir ji 1603 kesan bi birînên corbecor, 553 jê bi destê rêjîmê bûn, 5 zarok û jinek û 5 rojnamevanên biyanî di nav wan de hebûn.
Û raporê bal kişand ser ku Daiş 64 kes kuştine, zarokek û 2 jin û 3 rojnamevanên biyanî di nav wan de hebûn, û 3 kes ji wan ji ber îşkenceyê hatin kuştin, û 8 kes li ser destê Heyet Tehrîr Elşam hatin kuştin, du kes jê ji ber îşkenceyê bûn, û 4 rojnamevan li ser destê milîsên PYDe hatin kuştin, û hêzên hevpeymaniya navdewletî rojnamevanek kuştiye, û 61 kesên ku zarokek û 3 jin û rojnamevanekî biyanî di nav wan de hebûn, bi destê aliyên din hatin kuştin.
Û raporê amaje bi wê yekê kir ku ne kêmtir ji 471 kesî, 9 jin û 17 rojnamevanên biyanî di nav wan de hene, di girtîgehan de ne, û li gor raporê 387 ji wan hîn di destê hêzên rijêmê de ne, 8 jin û 4 rojnamevanên biyanî di nav wan de hene, di dema ku 48 kesên ku jinek û 8 rojnamevanên biyanî di nav wan de hene, ji aliyê Daişê ve binçavkiriyên kotekî ne, û 11 ji aliyê Heyet Tehrîr Elşam de, û 13 ji aliyê milîsên PYDe ve hîn girtî ne, û 12 rojnamevanên ku 5 rojnamevanên biyanî di nav wan de hene, hê jî li ser destê aliyên dî binçavkiriyên kotekî ne.
Û Tora Mafên Mirovan di rapora xwe de bang li hemû hêzan kir ku yekser rojnamevan û xebatkarên medyayê serbest berdin, û çarenivîsa kesên bi darê zorê hatine windakirin eşkere bikin, û hemû yasayên ewlekariyê yên ku azadiya raman û derbirînê tepeser dikin, bi taybetî yasayên ku ji aliyê rijêmê ve hatine derxistin, ji nav bibin.
Jêder: Ofîsa Ragihandinê ya Hevbendiya Niştimanî ya Sûrî
