Navenda Wisûl ya Mafê Mirovan, di rapora xwe ya vê dawiyê ya bi navê ” tawanên revandinê û bazirganiya bi mirovan piştî dersînorkirina penaberan bi kotekî ji Libnanê”, tekez kir ku helmeta ewlekarî ya bêserbûber a ku di heyva nîsana 2023yan de dest pê kiriye, hişt ku penaber bêhtir tûşî binpêkirinan û keysebaziya bazirganên mirovan û qaçaxçiyên ku valahiya yasayî û nebûna desthilata dewletê wek derfet ji xwe re dibînin, bibin.
Û Navendê di rapora xwe de diyar kir ku wê 365 haletên dersînorkirinê ji destpêka helmeta ewlekarî ve ya heyva nîsanê ta roja 13 hezêrana bûrî belge kirine, her wiha girtina kotekî ya 841 kesî, zarok û jin di nav wan de hebûn.
Û raporê got ku helmeta ewlekarî ya ku di heyva nîsana bûrî de ta dîroka 13 hezêrana bûrî, 82 haletên ku têde penaberên dersînorkirî, yên ku desthilatên Libnanê ew radestî Firqeya Çaremîn ya rijêma Esed kirine, û wê jî ew careka dî radestî qaçaxçiyên mirovan di rêya sînor re kirine, bi armanca wergirtina diravan ji wan penaberan, tomar kiriye,.
Û rapora Navenda Mafnasî, bal kişand ser ku çeteyên dest danîne ser tawanên revandinê, bi ser partiyeke Libnanî ve ne, û çeteyên bazirganiya keresteyên hişbir, yên nêzîkî wê partiyê an di bin sîwana wê de ne, di ber operasyonên revandina penaberên Sûrî de ji bo xwestina pereyan li hejmarek ji deverên Libnanê berpisyar in.
Û raporê daxwaza mukumkirina lêpirsîn û peyketin û dadpirsîna tawanî di rewşa revandin û binçavkirina neyasayî ya penaberan, û dana piştgiriya pêwîst bo qurbaniyan û tekezkirina rêşûnên dadgehkirina dadane ji tawankaran re, ji Hikûmeta Libnanê kir.
Û Rapora Mafnasî ji Komisyeriya Bilind ya Netewên Yekbûyî ya Karûbarê Penaberan li Libnanê, xwest ku bi awayekî rêkûpêk kar li ser qedexekirina tawanên revandinê an handana li ser revandinê bikin, û piştgirî û hevkariyê li gel aliyên pispor li Libnanê bikin, da ku revandin çênebe û wan han bide li ser pêşkêşkirina tawankarên tawanan û sizakirina wan li dadgehan.
Jêder: Ofîsa Ragihandinê ya Hevbendiya Niştimanî ya Sûrî
