Penaberên Felestînî yên Sûrî, daxwaza kar ji rêxistinên navdewletî û mafnasî û mirovahî kirin, ji bo bidawîkirina tirajîdiya wan ya ku ji destpêka şoreşa Sûriyê di sala 2011an de berdewame.
Û Giropa Kar ji bo Filistîniyên Sûriyê, duh di raportekê de, ragihand ku penaberên filistînî li Sûriyê rastî binpêkirinên giran hatin, û ew yek bûye sedem ku bi hezaran ji wan bibin qurbanî, birîndar, girtî û koçber li hundir û derveyî Sûriyê.
Û Giropa Kar anî ziman ku kampên filistîniyan û cihên kombûna wan ji aliyê hêzên rijêma Esed û Rusya ve hatin bombebarankirin, û bal kişand ser wêrankirina zêdetir ji 75% ji çar kampên ku mezintirîn navendên bicîbûna penaberên filestînî bûn wek: kampên Yermûk, Daraa, Sibênê û Handarat.
Û Raporê bal kişand ser ku kampa Yermûk û Deraa ji aliyê hêzên rijêma Esed û komên bi ser wê ve hatin dorpêçkirin, û rê li ber xwarin û dermanan girtin, û eletrîk û av ji ser bi hezaran penaberên filistînî birîn, û ew yek bû sedema mirina 219 Penaberan ji ber birçîbûn û xizanî û kêmguhdanê, û piraniya wan ji zarok û kesên temenmezin bûn.
Û Raportê got ku bihezaran penaber ji aliyê dezgehên ewlekarî yên rijêmê ve hatin girtin, herwiha ji aliyê rêxistinên Daiş û Elnusra ve, û zêdetir ji du hezar girtî di girtîgehên rijêmê de hatine belgekirin, û heta niha çarenivîsa wan nediyar e, û bal kişand ser ku 638 qurbaniyên filistînî di bin îşkenceyê de li ser destê endamên hêzên Îstixbarata rijêma Esed canê xwe ji dest dan.
Û Giropa Kar 4121 qurbaniyên Felestîniyên Sûrî yên ku di salên cenga rijêma Esed li dijî gelê Sûriyê de mirine, û 333 kesên winda, ku zarokên bi temenê çend rojî ta pîrên heftê salî di nav wan de hebûn, belge kiribû.
Jêder: Ofîsa Ragihandinê ya Hevbendiya Niştimanî ya Sûrî
