Tora Sûrî ya Mafên Mirovan, di rapora xwe ya yazdehemîn a salane de derbarê binpêkirinên dermafê jinan li Sûriyê, eşkere kir ku ji adara 2011an ve ta 25ê mijdara 2022an, ne kêmtir ji 28.761 jin û zarokên keç li Sûriyê hatine kuştin, 94 ji wan bi sedema îşkenceyê cane xwe ji dest dane.
Û rapora ku îro bi boneya Roja Navdewletî ya Têkoşîna Dijî Çewisandina Jinê derketiye, anî ziman ku 11 hezar û 526 bûyerên tundiya sêksî jin armanc kirine, û got ku hêjî 11 hezar û 141 jin û û zarokên keç di girtîgehan de hene, û li gorî raporê piraniya binpêkirinan ji aliyê rijêma Esed ve hatine kirin.
Û Raporê diyar kir ku rijêma Esed di ber 78% ji operasyonên kuştina jinan li dervayî yasayê de berpisyar e, rijêmê 22008 kuştine, û 1602 bi destê hêzên Rusya hatine kuştin, û 981 ji aliyê rêxistina DAIŞ ve, û 85 li ser destê Heyet Tehrîr Elşam, û 961 di êrîşên ji aliyê Hevpeymaniya Navdewletî ve û 269 ji aliyê milîsên PYDe yên terorîst ve hatin kuştin, û yên mayî jî li ser destê aliyin dîtir ve hatine kuştin.
Û Rapor diyar dike ku ne kêmtir ji 11141 jin û zarokên keç li Sûriyê hîn di bin desteserkirin an windakirina bi zorê de ne, 8935 ji nav wan bi destê hêzên rijêmê hatine girtin, 48 bi destê Heyet Tehrîr Elşam, û 921 li ser destê milîsên PYDe yên terrorist, û 276 ji wan ji aliyê DAIŞê ve hatine girtin, û heta niha jî bi zorê binçavkirî ne, û 961 kes ji aliyê hêzên din ên çekdar ve hatine girtin.
Û Raporê anî ziman ku ji Adara 2011an û vir ve 94 jin û zarokek keç ji ber êşkenceyê li Sûriyê hatine kuştin, di nav wan de 75 bi destê rijêmê ne, 14 ji wan di girtîgehên girêdayî DAIŞ’ê de hatin kuştin, û 2 di girtîgehên girêdayî PYDe de hatine kuştin, û 3 bi sedema îşkencekirina li ser destên aliyin din hatine kuştin.
Û Raporê anî ziman ku tundûtûjiya sêksî ya herî berçav ji aliyê hêzên rijêmê ve hatiye kirin, û got ku wan ne kêmtir ji 8014 bûyerên tundiya sêksî pêk anîne, di nav wan de nêzîkî 879 bûyerên ku di hundirê navendên binçavkirinê de pêk hatibûn, û ne kêmtir ji 443 jinên ku tundûtûjiya sêksî dijî wan pêk hatiye, di nav wan de keçên temenê wan kêmî 18 salan hebûn.
Û Rapora mafnasî ne kêmtir ji 102 keçên ku hîn jî ji aliyê milîsên PYDe ve tên leşkerkirin ji dema damezrandina wê de heta 25ê cotmeha 2022an, belge kiriye.
Û Tora Sûrî ya Mafên Mirovan di raporta xwe de daxwaz ji Komîseriya Bilind a Mafên Mirovan kir ku raporteke taybet derbarê binpêkirinên li dijî jinên Sûriyê derbixe, her wiha daxwaz ji hemû aliyan kir ku girtiyên jin serbest berdin, û kar li ser parastin û alîkariya jinên bi kotekî aware bûne an bûne derbider û penaber bikin.
Jêder: Ofîsa Ragihandinê ya Hevbendiya Niştimanî ya Sûrî
