“Navenda Parastin ya Berevaniya Mafên Penaberan”, dît ku rêşûnên hikûmeta Yûnanîstanê derbarê penaberên ku li girava li ser çemê Evros asê mane pê radibe, benda 3 û 13 ya Ragihandina Cîhanî ya Mafên Mirovan binpê dike.
Û Navendê di raporta xwe ya dawî de got ku ev rêşûn xala şeşemîn ya Peymana Navdewletî ya Mafên Sivîl û Siyasî ya ku di sala 1966an de hatiye derxistin, û Peymana Taybet bi Rewşa Penaberan a sala 1951 û Protokola wê ya 1967an, û Ragihandina New Yorkê ya Derbarê Penaber û Koçberan ya ku di 2016an de derketiye, û Peymana Cîhanî ya derbarê Penaberan a 2018 û peymanên din ên ku mafê penaberiyê dide her kesê bindest binpê dike.
Û Navendê got ku penaberên ku li girava Yûnanistanê asê mane rastî şert û mercên pir xerab tên, nemaze ku nexweş, kal, pîr, jin û zarok di nav wan de hene, û kêmtirîn pêdiviyên jiyanê li rex wan tune ne, û xwarin û ava paqij jî bi dest wan nakeve, û ew neçar dibin ku ji ava çemê “Evros” vexwin.
Û Navendê di raporta xwe de amaje bi wê yekê kir ku kesên li giravê asê mane alavên germkirinê li ba wan nînin, di dema ku pileya sermê bi şev digihêje binya sifirê, û jiyana wan dikeve metirsiyê de, bi taybetî kal û pîr û zarok.
Û “Navenda Parastin ya Berevaniya Mafên Penaberan” daxwaza veguhestina penaberên ku li giravê asê mane û rizgarkirina jiyana wan a di metirsiyê de, û derxistina biryarekê der mafê wan li gorî peymanên navneteweyî û yasayên xwecihî, ji hikûmeta Yûnanîstanê kir.
Û Hevbendiya Niştimanî ya Sûrî daxwaz ji Netewên Yekgirtî û rêkxistinên Navdewletî û Yekîtiya Ewropî kiribû ku bi lez û bez bixebitin daku penaberên Sûrî yên di nava giravê de asê mane rizgar bikin, û dît ku rizgarkirina van penaberan divê li ba Netewên Yekbûyî û rêxistinên navdewletî û Yekîtiya Ewropa karekî sereke be, û amaje bi wê yekê kir ku divê di zûtirîn dem de çareseriyek ji pirsgirêka wan re bê dîtin, ji ber ku penaber li deverekê ku her kes dikare xwe bighîne wan in.
Û ji Yekîtiya Ewropî xwest ku kar ji bo rawestandina dijminkariyên li dijî penaberên Sûrî yên li Yûnanistanê pêk tên bike, û tekezî li ser pêwîstiya rêzgirtina rêkeftina Cinêvê ya sala 1951 ya derbarê penaberan û serederiya bi kesên ku hatina welatên tranzît li gorî bendên wê bibe, kir.
Jêder: Ofîsa Ragihandinê ya Hevbendiya Niştimanî ya Sûrî
