Ev pênc sal in, dezgehên ewlekarî yên rijêma Esed, sê birayên hev ên filistînî binçav kirine, tevî ku du birayan ji wan sozên çareserkirina rewşa xwe ya ewlekarî li gel asayîşên rijêmê ji rêxistina “Rayedariya Giştî – Eniya Gelêrî ya Rizgarkirina Filistînê” wergirtibûn piştre xwe radestî saziyên dewletê kiribûn.
Û Girûpa Kar ji bo Filistîniyên Sûriyê diyar kir ku hersî bira ev in: Samir Elbernawî sala (1975an ji dayik bûye) û di 20/09/2012 de hatiye girtin, Fadî Elbernawî (1976an hatiye dinê) û di 20ê Îlonê sala 2012an de hatiye girtin, û Şadî Elbernawî (di sala 1981an de ji dayik bûye, li kampa Yermûkê di cotmeha 2012 de hate girtin.
Û Giropê di rapora xwe de got ku dezgehên ewlekarî yên rijêma Esed gelek kesên birayên hev û malbatên filistînî girtine, jin û zarok jî di nav wan de hene, û heta vê kêliyê çarenivîsa wan nediyar e.
Û Girûpê diyar kir ku wê kariye rewşên gelek birayên hev û malbatên ku di bin eşkenceyê de di girtîgehên rijêmê de mirine belge bike, wek: Sê birayên ji malbata “Hemdan” ji xelkê kampa “Elyermûk”, û sê xwişk ji malbata ” Sa’d Eldîn” ji xelkê kampa “Elrmil” û di 30-3-2015an de jiyana xwe ji dest dan.
Û Girûpa Kar ji bo Filistîniyên Sûriyê, 3076 girtiyên Filistînî yên di girtîgehên Sûriyê de ne û heta niha çarenivîsa wan nediyar e, û 465 kesên di bin îşkenceyê de mirin, jin û kesên bitemen di nav wan de hebûn, belge kiribûn.
Jêder: Ofîsa Ragihandinê ya Hevbendiya Niştimanî ya Sûrî
