Hêzên Rijêma Esed û amûrên wê yên ewlekarî, di kuştina sivîlên ku bi salan di girtîgehên wan de girtî ne berdewam in. Û yek ji wan tawanan ew e ku dezgehên ewlekariyê yên rijêmê malbata ciwanê bi navê “Beşar Mistefa Zero” bi mirina wî di zîndanê de agahdar kirin, piştî girtina ku derdora deh salan berdewam kiriye.
Û Tora Şopandina Rewşa Sûriyê ya Mafên Mirovan, diyar kir ku hêzên rijêmê di 19/7/2012an de ciwanê bi navê “Beşar Mistefa Zero” yê 37 salî, li bajarê Enedan, dema ku di yek ji xalên kontrolê re li gundewarê Helebê derbas dibû, girt.
Û Tora Mafnasî amaje bi wê yekê kir ku desthilatên rijêma Esed berî du rojan malbata wî xortî agehdar kir ku di sala 2015an de kurê wan di zindanê de jiyana xwe ji dest daye, û ew xort ji bajarokê “Mari’h” li gundewarê bakurê Helebê ye, û li bajarokê “Anadan” li gundewarê Helebê kar dikir, û niştecihê wî bajarokî bû, û bal kişand ser ku ew xort ne girêdayî ti aliyekî siyasî an leşkerî bû.
Û Saziya Mafnasî hemû kuştinên di bin îşkencekirina berdewam di girtîgehên hêzên rijêmê de şermezar kirin, û ji civaka navdewletî xwest ku bi erkê berpirsyariyê rabe û berpirsên rijêmê siza bike, û wan radestî dadgehê bike.
Û Tora Mafnasî daxwaz ji Civata Giştî ya Netewên Yekbûyî kir ku bilez dezgeheke serbixwe ava bike, ji bo eşkerekirina çarenivîsa bihezaran girtî û binçavkiriyên di zindanên hêzên rijêma Esed de, her weha yên li bal aliyên dî li seranserî qada Sûriyê.
Jêder: Ofîsa Ragihandinê ya Hevbendiya Niştimanî ya Sûrî
