Navenda “Wisûl”a Mafên Mirovan (ACHR) tekez kir ku kêşeyên girtina kotekî û dersînorkirina bi darê zorê yên ku ji aliyê desthilatdarên Libnanî ve li dijî penaberên Sûrî yên li Libnanê pêk tên, her diçe zêde dibin.
Û Navenda Mafnasî bal kişand ser ku hejmara van binpêkirinan di sê heyvên dawî de her diçe zêde dibe, û metirsî heye ku ev zêdebûn berdewam bibin, piştî ku saziya bepirsa penaberan UNHCR agahî û daneyên penaberan bi Hikûmeta Libnanê re parve kirine.
Û Navendê anî ziman ku girtina kotekî ya penaberên Sûrî li Libnanê ji destpêka sala 2023an heta îlonê, gihişte 943 kesan, di dema ku ji destpêka sala 2023an heta berfanbarê gihişte hezar û 27 dozên girtina kotekî yên ku hatine tomarkirin û hejmara bûyerên girtinê 84 bûyer lê zêde bûne.
Û Navendê bal kişand ser ku helmetên dersînorkirina bi darê zorê ji destpêka sala 2023’an heta Îlonê 708 kes bû, û ji destpêka sala 2023’an heta berfanbarê 761 kes hatine dersînorkirin û hejmara bûyeran jî 53 bûyer lê zêde bûne.
Û Hevrêzkarê Girûpa Penaber û Derbideran di Hevbendiya Niştimanî ya Sûrî de Ehmed Bekûra, amaje bi wê yekê kir ku ew bi Netewên Yekgirtî û Rêxistinên Navdewletî re di peywendiyên berdewam de ne derbarê rewşa penaberên Sûrî li Libnanê û binpêkirinên ku li wê derê li dijî wan pêk tên.
Û Bekûra daxwza rawestandina helmetên girtin û dersînorkirinê ji Netewên Yekbûyî û Komîseriya Bilind a karûbarê Penaberan kir, ji ber ku ew binpêkirineke eşkere ye ji mafên mirovan re, herwiha daxwaza garantîkirina saxelmî û ewlehiya penaberên sûrî bi riya rawestana li dijî vegerandina wan a bi darê zorê kir.
Jêder: Ofîsa Ragihandinê ya Hevbendiya Niştimanî ya Sûrî
