Rêveberiya Belgekirina Binpêkirinan û Mafên Mirovan ya Hikûmeta Sûrî ya Demkî, di raporta xwe ya rolane ya heyva mijdarê ya 2022an de, eşkere kir ku hejmara qurbaniyên sivîl di meha bûrî de li deverên rizgarkirî gihişte 17 şehîdan, 10 mêr, 2 jin û 5 zarok bûn.
û raporta Rêveberiya Belgekirina Binpêkirinan amaje bi wê yekê kir ku hejmara birîndaran di heyva bûrî de gihîşte 92 kesan, 43 mêr, 18 jin û 31 zarok, birînên hinan ji wan giran bûn.
Û raporê diyar kir ku rijêma tawankar û hevalbendên wê di ber kuştina 12 sivîlan, 6 mêr, 2 jin û 4 zarokan de, û birîndarkirina 86 sivîlan, 37 mêr, 18 jin û 31 zarokan de berpirs bûn, û milîsên PYDe di ber kuştina 5 sivîlan de, 4 mêr û zarokek, û birîndarkirina 6 sivîlan de berpirsyar bûn.
Û Raporê bal kişand ser ku rijêm di ber du amanckirinên bi çekên nerewa (mûşekên bi bombeyên goşeyî) dijî taxên rojavayî ji bajarê Idlibê, û kampên awareyan li derdora gundê Kefer Jales, herwiha armanckirina dibistana gundê “Mierblit” li gundewarê Idlibê, berpirsyar bû.
Û rapora Rêvebiriyê amaje bi wê yekê kir ku hejmara armanckirinên rijêma Esed ji bajar, bajarok û gundên Sûriyê re, giha 131 operasyonên sereke , piraniya wan bi topavêjan bûn, di heman demê de 4 armanckirinên milîsên PYDe ji deverên rizgarkirî re hebûn, û hemû jî bi rêya bombebarandina ji dûr ve bûn.
Jêder: Ofîsa Ragihandinê ya Hevbendiya Niştimanî ya Sûrî
