Rêveberiya Belgekirina Binpêkirin û Mafên Mirovan ya Hikûmeta Sûrî ya Demkî di raporta xwe ya meha Tebaxê de eşkere kir ku hejmara qurbaniyên sivîl ên binpêkirinên rijêma Esed û milîsên terorîst yên PYDe di heyva bûrî de gihişte 21 sivîlî, 12 ji wan zarok, 9 mêrin, û birîndarbûna 43 kesan, 17 ji wan zarok, 7 jin û 19 mêr bûn.
Û Rêvebiriyê di raporta xwe de anî ziman ku rijêma Esed û hevalbendên wê di ber kuştina 17 sivîlan de (10 zarok û 7 mêr), û birîndarkirina 29 sivîlan (10 zarok, 4 jin û 15 mêr) de berpisyar bûn, û Milîsên PYDe yên terorîst di ber kuştina 4 sivîlan (2 zarok û 2 mêr) û birîndarbûna 14 sivîlan (7 zarok, 3 jin û 4 mêr) de berpirsyar in.
Û raporê diyar kir ku deverên rizgarkirî di meha bûrî de bi 141 operasyonên bombebarankirinê hatin armanckirin, û rijêma Esed û hevalbendên wê di ber 134 êrîşan de berpirsyar bûn, di dema ku milîsên PYDe di ber pêkanîna 7 êrîşan de berpisyar bûn.
Û rapora Rêvebiriya Belgekirina Binpêkirinan û Mafên Mirovan di Hikûmeta Sûrî ya Demkî de, tekez kir ku rijêma Esed berpirsiya komkujiya ku li bajarê Babê pêk hatiye yaku di encamê de 14 kes şehîd ketine û 22 birîndar bûne hildigre, her weha rijêma Esed berpirsyariya armanckirineke bi çekên qedexe hildigre.
Jêder: Ofîsa Ragihandinê ya Hevbendiya Niştimanî ya Sûrî
