Girûpa Kar ji bo Filestîniyên Sûriyê, diyar kir ku armancikrina kampa Deraa ya penaberên Filestînî li başûrê Sûriyê ji aliyê rijêma Esed ve bi dirêjiya salên cenga rijêmê dijî gelê Sûriyê bû sedema kuştin û birîndarbûna bisedên kesan, û rûxandina bêhtir ji 60% ji avahî û jêrxaneya kampê û awarebûna bi hezaran ji malbatên wê.
Û Tîma Şopandinê di Girûpa Kar de eşkere kir ku rêjeya wêrankirina bi temamî zêdetir ji 20% ye, û rêjeya wêrankirina rêjeyî zêdetir ji 40% ye, û bal kişand ser ku nişteciyên kampê derdeseriyên rewşa jiyana dijwar dikşînin, her weha jêrxaneya xerab û nebûna ava vexwarinê.
Û raporê bal kişand ser wê yekê ku sozên Ajansa Onurwa û desteya giştî ya penaberên ereb ên filestînî, karîbûn tenê 62 xaniynan li taxên kampê yên başûr çaksaz bikin, li devera herî wêrankirî di salên cenga rijêma Esed li dijî kampê.
Û Girûpa Kar anî ziman ku li gorî serjimariyên nefermî, hejmara malbatên niha li kampa Deraa dimînin di navbera 650 û 700 malbatên filestînî de ne, ji binyada xwe yaku nêzîk ji 4500 malbatên filestînî yên ku di sala 2011an de niştecihên kampê bûn.
Jêder: Ofîsa Ragihandinê ya Hevbendiya Niştimanî ya Sûrî