Berevaniya Sivîl ya Sûrî anî ziman ku bermayên roket û mûşekên ku rijêma Esed û milîsên terorîst dijî gelê Sûriyê bikar anîne, ji destpêka îsal ve û heta roja yekşemê 4ê Îlonê 19 kes pê hatin kuştin, di nav de 6 zarok hebûn û 24 kes birîndar bûn, di nav de 15 zarok û jinek hebû, di 22 teqînan de.
Û Berevaniya Sivîl kuştina 4 xwîşk û birayên hev duh duşemî 5ê Îlonê tomar kir, ew jî dema ku mayîneke cengê di hewşa maleke bê niştecî de li bajarê Binîş li rojhilatê Idlibê teqîyayî canê xwe jidest dan.
Û Raporê bal kişand ser ku ew teqîn piştî du rojan ji bûyereke bi wê rengî hat, ya ku têde roja Şemiyê 3ê Îlonê zarokek hatibû kuştin û yek jî birîndar bibû, bi teqandina mûşekeke agirî di nava cihê komkirina zibil de, li kêleka warê ku ew bi awayekî demkî lê rûniştine, li bajarokê Elkifêr ya bi ser Idlibê ve.
Û Berevaniya Sivîl ya Sûrî tekez kir ku zarok li Sûriyê beşê ku ji tevayan bêhtir di bin metirsiya bermayên cengê de ne, ji ber nezanîna wan, û şêweyê seyr yê wan bermayîyan her weha belavbûna wan mayînan bi awayekî berfireh.
Û berî bi demekê rapora Çavdêriya Çekên Goşî ya Hevpeymana Navdewletî ji bo Nehiştina Çekên Goşî û Helmeta Navdewletî ya Qedexekirina Mayinan (ICBL-CMC) meha bûrî tekez kiribû ku di sala 2021an de, Sûriyê hejmara herî mezin a qurbaniyên bermahiyên bombeyên goşeyî li seranserî welatên cîhanê tomar kiribû, ji ber ku hejmara qurbaniyên bombeyên goşeyî gihîştiye 37an.
Jêder: Ofîsa Ragihandinê ya Hevbendiya Niştimanî ya Sûrî
