Kombenda Rojnamevanên Sûrî hişyarî da ji hewildana lîstina rijêma Esed bi dosyayên dadweriyê, ku yek ji wan dosya windakirina bi darê zorê û binçavkirina kotekî ye, bi rêya yasayên ku mafên mirovan binpê dikin re, ku armanca wan nehiştina sizakirina tawankaran di riya guhertina çarçoveyên binpêkirinan re ye.
Û Kombendê di raportekê de got ku berdewamiya windakirina rojnamevanên Sûrî û biyanî bi darê zorê li Sûriyê, dighên asta tawanên cengê û tawanên dijî mirovatiyê, û daxwaza serbest-berdana 39 rojnamevanên ku hîn li Sûriyê girtî yan bi darê zorê hatine windakirin, û 7 rojnamevanên biyanî di nav wan de hene, kir.
Û Navenda Sûrî ya Azadiya Rojnamevaniyê di Kombenda Rojnamevanên Sûrî de, diyar kir ku rêxistina DAIŞê di serê lîsteya aliyên tometbar bi veşartina pisporên medyayê bi berpirsyariya wê di ber 17 dozan de hat, di heman demê de rijêma Esed di rêza duyemîn de bi berpirsyariya wê di ber 8 dozan de, milîsên PYDe di ber 6 dozan de berpirs bûn, û Heyet Tehrîr Elşam di ber 2 dozan de berpirs bû, û aliyên din yên çekdar jî berpirsiya 6 dozan hildigrin.
Û Kombendê amaje bi wê yekê kir ku ji 33 rojnamevanên biyanî yên ku ji sala 2011an ve li Sûriyê hatine girtin, an revandin, çarenivîsa heftan ji wan hîn ne diyar e, ku çar ji wan ji aliyê rijêma Esed ve heta roja weşandina vê raportê hîn girtîne.
Û Kombenda Rojnamevanên Sûrî bang li civaka navdewletî kir ji bo biryara Encumena Ewlekariyê ya jimar 2254 a sala 2015an cîbicî bike, û gavên pratîk bavje ji bo lezkirina di cîbicîkirina proseya veguhestina siyasî ya hevdem bi peydakirina mîkanîzmayên dadweriyê yên ku tawankaran siza bikin, û nehêlin ew ji sizayan rizgar bibin.
Û Hevbendiya Niştimanî ya Sûrî, gelek caran daxwaz ji civaka navdewletî kiriye ku gavên cidî bavêje ji bo neçarkirina rijêmê li ser berdana girtiyan û eşkerekirina çarenivîsa windayên bi darê zorê, û bêdeng nemîne û bi biryarên lêborînê yên sexte neyê xapandin, û cextî li ser pêwîstiya kartêkerkirina rêça sizakirina kesên tawanên cengê pêk anîne, û nehêlana ku tawanbar ji sizayan rizgar bibin kir.
Jêder: Ofîsa Ragihandinê ya Hevbendiya Niştimanî ya Sûrî