Cêgirê serokê Hevbendiya Niştimanî Hîşam Merwa tekez kir ku “îro ji Amerîka û ji dostên gelê Sûriyê û heta ji Rûsiya û ji her aliyekî piştgir ji çareseriya siyasî di Sûriyê de tê xwestin ku tiştekî berçav pêşkêş bike, ku rastiya xwe bide nîşandan derbarî dilxwestina wan ji çareseriya Siyasî re, ku ev piştgirî ne tenê bi gotinan be, di dema ku Esed di heftiya bûrî de bitenê bêhtir ji 300 bermîlên teqîner avêtin ser Heleb û Der’a û Zebedanê li gundewarê Şamê.
Merwa got: “Em ji dewletên piştgir ji çareseriya siyasî re dixwazin, rê li rêjîma Esed derbarê vê tawankariya hovane ya toparankirina sivîl û jin û zarokan û armanckirina avahî û Mizgeft û Dêr û Nexweşxaneyan bigirin,û Em ji wan dewletan dixwazin ku avêtina bermîlên teqîner rawestînin, herwek xelkê Sûriyê dizanin ku rêjîma Esed rêjîmek newêreke û ji daxwazên navdewletî yên rasteqîne ditirse”.
Herwiha Merwa got: “Em dizanin ku Rûsiya bihêztirîn piştgirê rêjîma Esed e bi çek û Vîtoya xwe, û xatirê wê li rex heye, û îro Rûsiya niyaza xwe bi aliyê çareseriya siyasî de dide xuyakirin, lewra ji bona rastgoya xwe bo dîtina çareseriyek siyasî di Sûriyê de bide nîşandan, em ji serkirdayetiya Rûsiyayê dixwazin ku rêjîma Esed ji avêtina bermîlan li ser serê jin û zarokên me rawestîne “.
Di heman mijarê de Merwa destxweşî li xweragirî û qehremaniya şoreşgerên Zebedanê li hember hêzên Esed û çeteyên Hizibulaha terorîst kir, û her weha Merwa daxwaz ji şoreşgeran kir bo berdewmiyê bidin têkoşîna xwe li dijî Esed bo sivkirina êrîşên wî li ser bajêr, ku di sê rojên bûrî de firokên wî bêhtir ji 170 bermîlî avêtin, herwiha li aliyekî din Hevbendiyê banga amadebaşiyê ji tabûrên şoreşgerên nêzîkî Zebedanê re da, ji bona piştgirtina şoreşgerên Zebedanê li dijî Esed.
Jêder:Hevbendî
