Emîndarê Giştî yê Hevbendiya Niştimanî ya Sûrî û Şandê pêre, bi serdaneke meydanî bo deverên herî bêhtir ji ber erdheja ku li Tirkiyê û Sûriyê xistiye ziyan dîtine rabû, û Şandeyê Hevbendiyê ji nêz ve qebareya bobelata ku ta niha bûye sedema mirina 2037 kesan û birîndarbûna bêhtir ji 2950, û awarebûn derdora 11000 malbatî temaşe kir.
Û Rehmê pesnê rola mezin ya Berevaniya Sivîl ya ku bi hezaran kes ji bin kavilan rizgar kirine da, tevî şiyanên wan ên sînordar di riya alav û amûrên hindik û destên tazî re, û bal kişand ser rola Artêşa Niştimanî ya ku bi amûrên xwe piştgiriya Berevaniya sivîl kir, her weh Encumenên Xwecihî yên ku ji aliyê xwe ve kar kirin ji bo bandorên bobelatê sivik bikin.
Û Rehmê got ku ji dema em gihiştine deverên ziyan dîtine de, pirsa xelkê ji me: ka cîhan bi dewlet û saziyên xwe yên fermî û gelêrî ve li ku maye? Çimkî piştgiriya cîhanî ya dihate xwestin ta niha neghiştiye me, û got ku me wek Sûrî karîbû xwe bighînin deverên ziyan dîtine, di riya rêyeke bejayî re ya ku hemû piştgiriyên lojistîk yên pêkan û pêşbînkirî dikarin têre derbas bibin, û tekez kir ku eger piştgiriya ku dewletan ragihandiye hatiba, wan dê karîbana bighînin deverên ku ji ber bobelata erdhejê ziyan dîtine, weku çawa em gihiştine van deveran.
Û Rehmê got ku piştî em bi encumenên xwecihî û Artêşa Niştimanî û saziyên xizmetkar re civiyan, diyar kirin ku pêdviyên wan ên sereke yên tenduristî, bizîşkî, kon, sotemenî û makîneyên giran in, û bal kişandin ser ku alîkarî di riya sînorê Tirkiyê re ta niha neghiştiye me, û got ku alîkariyên gihiştine deverên di bin kontirola rijêmê de tişt jê negihiştiye bakurê Sûriyê tevî ku giraniya bobelatê ya herî mezin li bakur e.
Û Rehmê rola nexweşxaneyên taybet û yên giştî yê ku gelek tişt pêşkêş kirine tevî ku nikarin tevaya pêdviyan dabîn bikin bilind nirxand, û bal kişand ser ku eger oksijîn bighişta nexweşxaneyan dê gelek qurbanî rizgar bibûna, tevî ku wan li gor karîna xwe birîndar rizgar kirin, û pesnê rola gelêrî û rêxistinên alîkariyê di pêşkêşkirina alîkariyên mirovî yên bilez de da, ji ber ku saziyên alîkariyê bi tîmên xwe ta piştî nîvê şevê kar dikin, û di tarî û sermayê de li mirovên hewcedar digerin.
Û Rehmê tekez kir ku Şandeyê Hevbendiya Niştimanî çalakiyên ku daxwaza pêwîstiya rawestana li ser saxlemiya avahiyan dikin berî ku xelk vegerin wan û diyarkirina avahiyên guncaw ji bo bicîbûnê, şopandin.
Û Rehmê tekezî li ser pêwîstiya bilindkirina ala şoreşê li ser otombîlên hawarçûn û alîkariyê kir, daku rijêm wan weke alaveke ragihandinê ji bo xapandina cîhanê bi kar neyne, her wiha pêwîst e ku ala şoreşê li ser alav û mekîneyên giran yên ku kavilan radikin bilind bibin, ji bo ku rijêm wêneyên wan ji xwe re bikar neyne.
Û Emîndarê Giştî sersaxî ji gelê Sûriya û Tirkiyê re xwest, û hêviya saxbûnê ji birîndarên erdhejê re kir, û got ku bobelatê herdu gel kirin yek, li gorî rastiya ku em niha tê de dijîn, û qurbaniyên Sûrî li herdu aliyên sînor wê yekê diçespînin.
Û tekez kir ku pêwîstiya lezgîn bi alîkariyên navdewletî heye, ji bo vegera xelkê bo malên xwe yên ku ji ber erdhejê jê derketine, û pêwîstî bi dermankirina jin û zarok û mêrên xwedan birînên govdeyî û derûnî heye.
Jêder: Ofîsa Ragihandinê ya Hevbendiya Niştimanî ya Sûrî
