Emîndarê Giştî yê Hevbendiya Niştimanî ya Sûrî Heysem Rehmê, têkçûna Hemasê ya sincî û prensîpî piştî kombûna serkirdeyekî ji Tevgerê bi Serokê rijêma tawankar û terorîst li Sûriyê Beşar Esed re, piştî qonaxeke birîna têkiliyan bi dirêjiya zêdetir ji deh salan, şermezar kir.
Û Rehmê got ku tiştê Hemasê kiriye xiyanet e ji herdû miletên ereb û misilman re, û destberdana ji pirensîpên mirovî ye û sivkatî ye bi xwîna gelê Sûriyê û yê filistînê, ya ku bi destê tawankarê cengê Beşar Esed hatiye rijandin.
Û got “Çawa rijêma Esed ya tawankar nûneratiya gelê Sûriyê nake, Tevgera Hemas jî nûneratiya helwesta gelê Filistînê yê bira nake, gelê Filistînê yê ku di her boneyekê de resenî û hevxemî û hevkariya xwe li kêleka gelê Sûriyê yê azadîxwaz çesipandiye”, her weha got ku ev helwesta cihê şermê, dê bandorê li têkiliyên dostane yên kûr di navbera herdû gelên Sûrî û Filistînî de neke.
Û Emîndarê Giştî berdewam kir û got “Ev pêngava Hemasê ji encama fermanên Îranê ye, ne helwesta filistîniyan e, û bi ti awayî behane ji vê normalîzekirina têkiliyan re nayê dîtin, ji ber ku ziyan gihand ew prensîbên ku çênabe ti kes nêzî wan bibe”, û bal kişand ser ku êdî Tevgera Hemasê bûye lîstokek û rijêma meleyan li gor daxwazên xwe wê kontrol dike.
Û Rehmê dît ku hevdîtina bi tawankar Beşar Esed re, dê tenê şermeke dîrokî li Hemasê zêde bike, çimkî li kêleka yê ku xelkê Sûriyê kuştine û zêdetir ji nîvê wan koçber kirine û girtine, ji ber ku daxwaza azadiyê kiriye, ji bilî ku bihezaran filistîniyên li Sûriyê dijîn kuştine û girtine, li gorî di belgenameyên torên mafên mirovan de hatiye.
Û Rahmê bal kişand ser wê yekê ku maf nayê parçekirin, û normalîzekirin bi tawanbarê cengê û kujer re bi bihaneya berjewendiyeke texmînkirî nayê pejrandin.
Û Rahmê tekez kir ku doza Filistînê doza tevaya ereb û misilmanan e, û ev xiyaneta Hemasê berovajî têkoşîna gelê Filistînê li dijî Îsraîla dagîrker e.
Jêder: Ofîsa Ragihandinê ya Hevbendiya Niştimanî ya Sûrî
