Emîndarê Giştî yê Hevbendiya Niştimanî ya Sûrî Heysem Rehmê, got ku rijêma Esed bi biryarên ku derdixe hewl dide ku binpêkirinên li dijî gelê Sûriyê pêk tîne rewa bike, û diyar kir ku wê diziya malûmilkên Sûriyan ji zeviyên çandiniyê û yên din veguherandiye yasayeke talanê da ku çi bixwaze talan bike.
Û Rehmê got ku rijêma Esed penaberî û koçberbûna ji bin mûşek û bombeyên wê weke tawan dibîne, lewra rê da milîsên xwe ku malûmilkên derbideran bidizin, û rê da wan ku bi rêya yasayên xwe yên ku li dijî mafên mirovan û yasayên navdewletî ne talanê bikin.
Û Rehmê diyar kir ku rijêm bi rêya destûrdana çeteyên ku hevkariya wê dikin mal û milkan di bin navê “veberhênanê” de bidizin, û hewl dide wan çeteyan, di dema kirîzên aborî yên ku rijêm têre derbas dibe de razî bike.
Û Emîndarê Giştî hişyarî da ku kiryar û binpêkirinên ku rijêm pêk tîne nerastiya gotinên wê yên hevkara wê Rusya derbarê vegera penaberên Sûrî diçespîne, ji ber ku rijêm û hevkarên wê dest ji rêbaza tawanê dijî gelê Sûriyê bi kuştin, serkutkirin, talan û binpêkirinên curbecur bernedaye.
Û Rehmê ji Netewên Yekbûyî daxwaza hilgirtina berpisyariyê derbarê binpêkirinên berdewam yên ku rijêma Esed dermafê gelê Sûriyê pêk tîne û destberdana ji danûstandina bi rêjîma Esed re û peydakirina derfetan ji wê re kir, ji ber ku rijêma qirkirinê ye û nerewa ye û nûnertiya sûriyan nake, û daxwaza hewlên rasteqîn ji bo avakirina mîkanîzmeke zelal ya cîbicîkirina biryara 2254 garantî bike û veguhestina siyasî pêk bîne kir.
Jêder: Ofîsa Ragihandinê ya Hevbendiya Niştimanî ya Sûrî