Emîndarê Giştî yê Hevbendiya Niştimanî ya Sûrî Heysem Rehmê, cext kir ku tiştê ku Hevbendiya Niştimanî pê rabûye serkeftin e, û piştî bizaveke gewre ya di rewşeke dijwar de hat, û hejmarek ji kesayetan di xolên berê de beşdarî têde kirin.
Ew daxwiyanî di hevdîtineke rojnemevanî de yaku Hevbendiya Niştimanî, îro înê, li gel hejmarek ji dezgehên ragihandinê yên xwecihî û erebî û navdewletî li dar xistiye hat, daku li ser pirosesa siyasî biaxivin, ji bo ku rêşûnên ku Hevbendî di çarçoveya pirosesa çaksaziyê ya girêdayî bi endamtiyê û sîstema bingehîn pê rabûye de diyar bike.
Û di civatê te Serokê Hikûmeta Sûrî ya Demkî Ebdilrihman Mustefa û Emîndarê Giştî yê Hevbendiya Niştimanî Heysem Rehmê û Sekretêrê Desteya Siyasî Ebdilmejîd Berekat û hejmarek ji endamên Desteya Siyasî û hevrêzkarên komîte û rêvebirî û ofîsan beşdar bûn.
Û Rehmê bal kişand ser ku pirosesa çaksazîkirinê ji demekê de dest pê kiriye, û bizava tevayî di vê xolê bû yek ji bo temamkirina wê, û got ku bijardeya mana bê çaksazîkirin tune bû, û dosya dê li pêşiya xetmandineke siyasî ba.
Û Rehmê bal kişand ser ku vê dawiyê ji aliyê herkesî ve eşkere bû ku Hevbendiya Niştimanî hewcedarî xwînin nû û kesayetin nû ye, daku rûbirûyî astengiyên dahatî yên li pêşiya şoreşa Sûriyê bibe.
Û Rehmê got ku dijminkariya Rûsiya li ser Okranya û tawanên wê dermafê gelê Okranya, pencereyek li ser doseya Sûriyê vekir, û nerêniya danûstandina civaka navdewletî li gel doseyê Sûriyê eşkere kir.
Û got ku Hevbendiya Niştimanî bizavê dike daku sûdê ji rewşê werbigre, û doseya Sûriyê ji nûde vejîn bike, pêşî di riya pêşxistina avakirina xwe re, daku hêviyê bo gelê Sûriyê û xelkê me yên di kamp û zîndanan de vegerîne, û pêşde berve rizgarbûna ji rêjêma tawankar biçin, û daxwazên gelê Sûriyê yên azadî û rûmet û demoqrasiyê pêk bînin.
Jêder: Ofîsa Ragihandinê ya Hevbendiya Niştimanî ya Sûrî