Emîndarê Giştî yê Hevbendiya Niştimanî ya Sûrî Heysem Rehmê, xweşhaliya xwe bi destpêşxeriya ku ji aliyê Komîseriya Bilind a Mafên Mirovan ya Netewên Yekgirtî ve bi boneya vejandina Danasîna Cîhanî ya Mafên Mirovan û bangewaziya Komîserê Bilind a ji bo bidawîkirina girtina kotekî û serbestberdana girtiyan, anî ziman.
Û Rahmê got: Pêwîst e ku li rex ahenga bi boneya 75’emîn salvegera Danasîna Cîhanî ya Mafên Mirovan, pêngavên pratîkî li qadan hebin û dest bi azadkirina girtiyan bikin, û çarenivîsa kesên bi darê zorê di girtîgehên rejêma Esed de hatine windakirin bê eşkerekirin.
Û Komîserê Bilind ê Mafên Mirovan yê Netewên Yekbûyî Volker Turk, bi boneya bîranîna heftê û pêncemîn salvegera Danasîna Cîhanî ya Mafên Mirovan, daxwaza bidawîkirina girtina kotekî bi awayekî tam û lêborînkirin û serbestberdana kesên ku ji ber bikaranîna mafên xwe yên mirovî hatine girtin kir.
Û Turk daxwaz ji hikûmetan û hemû desthilatên girtinê kir ku van dozan careke din di bin çavan re derbas bikin û biryaran bistînin, daku ev sal bi pêngavekê berve pêkanîna nerîna Danasîna Cîhanî ya Mafên Mirovan ya daxwaza avakirina “Cîhanekekê ku hemî mirovên wê azad û birûmet û wekhev bijîn” dest pê bike.
Hêjayî gotinê ye ku di çarçoveya ahenga bi vê boneya dîrokî de, Komîsyonê destpêşxeriyek ragihandiye, dê ji Kanûna yekem a 2022an dest pê bike û sertaserê salekê kartêker be, bi armanca ku vê belgeya giring di bîra herkesî de bîne, di riya giringîdana hêza wê û enerjiya wê ya afrêner.
Jêder: Ofîsa Ragihandinê ya Hevbendiya Niştimanî ya Sûrî
