Emîndarê Giştî yê Hevbendiya Niştimanî ya Sûrî Heysem Rehmê, tekez kir ku rijêma Esed siyaseta “Birçîman an Xweradestkirin” dijî koçber û derbiderên niştecihên kampa Elrukban bikar tîne, û daxwaz ji Netewên Yebûyî kir ku desttêwerdaneke lezgîn bo gihandina alîkariyên mirovî bo kampa dorpêçkirî bike.
Û Rehmê îro di daxwiyaniyin taybet de, bal kişand ser ku niştecihên kampa Elrukban ji neçarî berê xwe didin deverên di bin kontrola hêzên Esed de, ji ber dorpêçkirina tund yaku rêjîm bi salane li ser kampê disepîne, û got ku niştecihan dest bi xweradestkirinê kirine, piştî ku cîhanê tevî ew bêhêvî hiştine, û ew niha derdeseriya dabînkirina pêdawîstiyên herî kêm ên jiyanê dikşînin.
Û Rehmê bal kişand ser ku rêjîm nişteciyên kampê neçarî lihevhatinên bi darê zorê dike, û di pey re piştî çend rojan hejmarekê ji wan digre.
Û Rehmê careka dî tekezî li ser pêwîstiya destwerdana bilez ya Netewên Yekbûyî kir, ji bo dabînkirina pêdiviyên pêwîst ji nişteciyên kampa Elrukbanê re, û cextî li ser pêwîstiya helwesteke navdewletî bo rawestandina tawankariya rêjîmê di berdewamiya dorpêçkirina wê ji kampê re û peyketina nişteciyên wê bo koçberkirin û girtina wan kir.
Û Encûmena Xwecihî ya kampa Elrukban, bi dirêjiya salên berê gelek bang bo rêxistinên navdewletî şandin, daku çareyan bibînin û êş û azarên koçberan rawestînin, lê ew bang bi ser neketin û rewş wek berê maye.
Jêder: Ofîsa Ragihandinê ya Hevbendiya Niştimanî ya Sûrî