Emîndarê Giştî yê Hevbendiya Niştimanî ya Sûrî Heysem Rehmê, daxwiyaniyên Wezîrê Derve yê Tirkiyê Hakan Fîdan ku têde gotibû, Tirkiye pabendiyê bi temamî bi yekparçeyiya xaka Sûriyê û yekîtiya wê ya siyasî dike, û ew ê di rûbirûbûna rêxistinên terorîst li Sûriyê û di pêşî de rêxistina PKKe berdewam be.
Û Rehmê tekez kir ku bizavên dewleta Tirkiyê yên rûbirûbûna rêxistinên terorîst li Bakurê Sûriyê dikevin xizmeta berjewendiyên hevpar ên Sûriya û Tirkiyê de, ji ber ku milîsên PYDe yên terorîst metirsiyê li ser deverê bi giştî çêdikin, û ewlehiya her du welatan dixe bin gefê.
Û Rehmê got ku em bi awayekî hevbeş li gel birayên xwe yên Tirkiyê ji bo nehiştina metirsiya milîsên cudaxwaz dixebitin, û em di asteke bilind de hevrêziya siyasî û leşkerî û ewlekarî bo xizmeta berjewendiyên herdu welatan dikin.
Û got: “pabendbûna Tirkiyê bi riya siyasî û pişetevaniya wê ji biryara 2254 ya Encûmena Ewlekariyê re, hevdemî bizavên wê yên ji bo rûbirûbûna terorê, cihê pêşwazî û rêzgirtina hêzên şoreşa Sûriyê yên ku pabendiyê bi biryarê dikin e, û daxwazê ji dewletan dikin ku pabendiyê bi berpirsyariyên xwe bikin û biryara ku hêviyên gelê Sûriyê pêk tîne cîbicî bikin.”
Û Emîndarê Giştî yê Hevbendiya Niştimanî, bal kişand ser ku daxwiyaniyên Wezîrê Derve yê Tirkiyê Hakan Fîdan li parlemantoya Tirkiyê di dema gotûbêjkirina bûdceya Wezareta Derve ya Tirkiyê ya sala 2024an de, gelê Sûriyê yê ku daxwaza cîbicîkirina veguhestina siyasî li qadan dike dilniya dike.
Û Wezîrê Derve yê Tirkiyê careka dî piştgiriya Enqerê ji çareseriya siyasî re li Sûriyê li gorî biryara Encumena Ewlekariyê ya 2254an nû kir, û diyar kir ku Tirkiyê hewlên xwe yên meydanî û yên li ser maseyê li gorî wan armancan didomîne, û xebata xwe bo nehiştina avabûna dewleteke terorîst li bakurê Sûriyê berdewam dike.
Jêder: Ofîsa Ragihandinê ya Hevbendiya Niştimanî ya Sûrî
