Emîndarê Giştî yê Hevbendiya Niştimanî ya Sûrî Heysem Rehmê, dilêriya xelkê Libnanê yê ku ji bo piştgiriya penaberên Sûrî yên li Libnanê derketiye meydanan, û binpêkirinên Hikûmeta libnanî yên dersînorkirina wan bo deverên di bin kontrola rijêma Esed de red kirine, bilind nirxand, û tekezî li ser pêwendiya baş a li ser bingeha biratî û hezkirina di navbera herdu gelan de kir.
Û Emîndarê Giştî pesnê helwesta kesayetên, zana, partiyên siyasî û hêzên civakî yên ku her cureyên danûstandina neyînî li gel penaberên Sûrî red kirine, û daxwaza pabendbûna bi mafên wan ên rewa kirine da, û daxwiyaniyên Desteya Zanyarên misliman li Libnanê û herdû serdarên Libnanî Semîr Cecei û Welîd Jumblat, û kesayetiyên siyasî û civakî yên ku li gel Sûriyên bindest li Libnanê rawestiyan bilind nirxandin.
Û Rehmê tekez kir ku binpêkirinên Hikûmet û Artêşê dermafê penaberên Sûrî li Libnanê, dijî yasayên navdewletî ne, yên ku vegerandina kotekî napejrînin in û daxwaza parastin û guhdana penaberan dikin, û got ku divê binpêkirinên ku metirsiyek rasteqîn li ser kesên tên dersînorkirin çêdikin bi sedema rêbaza rijêma Esed ya girtin, îşkencekirin û sûcdarkirina kesên ku ji terora wê reviyane, yekser bên rawestandin.
Jêder: Ofîsa Ragihandinê ya Hevbendiya Niştimanî ya Sûrî