Li bajarê Elraî li gundewarê Helebê, duh, kongirekî gelêrî dijî normalkirina têkliyan li gel rijêma Esed li dar ket, û têde Serokê Hevbendiya Niştimanî ya Sûrî Salim Elmislit, Serokê Desteya Danûstandinê ya Sûrî D. Bedir Camûs, Serokê Hevbeş yê Komîteya Destûrî Hadî Elbehra, Serokê Hikûmeta Sûrî ya Demkî Ebdilrihman Mustefa û hejmarek ji herdû Desteyan ya Siyasî û ya Giştî yên Hevbendiyê beşdar bûn, û nûnerên Encumena Îslamî ya Sûrî û rayedarên tabûrên Artêşa Niştimanî û nûnerên hevrêzkariyên şoreşa Sûrî û encumenên xwecihî û saziyên civaka sivîl û endamên kombenda koçberên Sûrî û kombenda jinên Sûrî amade bûn.
Û kongir di bin navê Kongirê Sûrî yê Redkirina Normalkirina Têkliyan li Gel Rijêma Esed yê Tawankar de hat, û beşdaran di daxwiyaniyên xwe yên dumahî de tekezî li ser berdewamiya şoreşa Sûrî weke karekî mirovane bo guhertina tê hêvîkirin kirin, û dîtin ku rijêma Esed rijêmeke tawankar e û berpisyariya tam di ber wêrankirina welêt de hildigre, û çi nêzîkbûn an hewldanên normalkirina têkliyan bi rijêmê re red kirin, û daxwaza cîbicîkirina biryarên navdewletî yên taybet bi Sûriyê û di pêşî de daxwiyaniya Cinêvê û herdû biryarên 2118 û 2254 kirin.
Û daxwiyaniya dumahî cext kir ku nepêkan e penaberên Sûrî bi dilxwazî vegera welatê xwe hilbijêrin bêyî baweriya wan ya tam bi dabînkirina ewlehî û azadiya kesayetî û hebûna jiyaneke birûmet û ewlehiya civakî û aramiya wê bi garantiyên erebî û navdewletî yên cihê baweriyê misoger bibe, û dîtin ku pêngavên pêşî bi cîbicîkirina tam ya biryara 2254 û pêkanîna jîngeheke aram û bêalî dest pê dike.
Û Serokê Hevbendiya Niştimanî Salim Elmislit di gotara xwe ya kongir de got: “Na ji normalkirina têkliyan re, na ji xwenêzîkkirin ji rijêmê û lihevhatina pê re”, û bal kişand ser ku rijêmê rewatiya xwe ji dest da, û bû rijêma cihê metirsiyê ji civaka navdewletî re.
Û Elmislit tekezî li ser pabendbûna bi pirensîpên şoreşa Sûrî ta pêkanîna daxwazên gelê Sûriyê kir, û bal kişand ser wê yekê ku “şoreş di guhertineke metirsîdar re derbas dibe, hevdemî xerabiya rewşa mirovahî bi sedema rijêma Esed.”
Û Elmislit ji birayên ereb xwest ku rastiya rijêmê binasin, û careka dî rêyên normalkirina têkliyan di bin çavan re derbas bikin, û pesnê helwestên dewletên ku normalkirina têkliyan red kirine da, û got ku em li gorî karîna xwe bizavê bo gihandina dengê gelê Sûriyê bo paytextên navdewletî dikin, û em redkirina normalkirina têkliyan tekez dikin, û em ji cîhana azad û birayên xwe yên ereb, bendewarên piştgiriya armancên gelê Sûriyê ne, ta hêviyên gel di avakirina dewleteke azad û birûmet de pêk werein.
Jêder: Ofîsa Ragihandinê ya Hevbendiya Niştimanî ya Sûrî