Emîndarê Giştî yê Hevbendiya Niştimanî ya Sûrî, Heysem Rehmê, êrîşa asîmanî a Rusya ya ku gundekî şên li gundewarê Minbicê armanc kiriye, piştî ku çekdarên êlên Ereb ên li bakurê Sûriyê ew dever kontirol kirine, şermezar kir, û da zanîn ku tişta çêbûye bi awayekî eşkere hevalbendiya milîsên PYDe bi Hêzên Esed û hêzên Rusya re diyar dike.
Û Rehmê piştgiriya xwe ji êlên Dêra Zorê û Minbicê re nîşan da, di serhildana wan a hemebr milîsên PYDe yên terrorist de, yên ku hewl didin ku sivîlan li deverên di bin kontrola xwe de dorpêç bikin, û karînên welat talan bikin, û hêzên xwe yên cudaxwaz yên ku bi salan e li dijî gelê deverê gelek binpêkirin pêk anîne, xurt bike.
Û Rehmê tekez kir ku milîsên PYDe yên terorîst pirsgirêkên di navbera xwe û hevkarên xwe de weke bihaneyê bikar tîne, ji bo dagîrkirina deverên Dêra Zorê û jinavbirina tevgera şoreşgerî li wê derê, nemaze piştî beşdarbûna xelkê deverê di xwepêşandanên piştevaniya li gel tevgera Siwêda û Derayê li dijî rijêma Esed.
Û Emîndarê Giştî bangek arasteyî hemû eşîrên hatine xapandin û yên ku hîn di nav refên milîsên PYDe yên terorîst de ne kir, ku yekser ji wê veqetin, û xwe li xelkê xwe yên endamên êlên ku li dijî van hêzên terorîst radibin bigrin.
Û Rehmê amaje bi wê yekê kir ku milîsên PYDe yên terorîst û hêzên Esed du rûyên heman diravî ne, û heman rêbaza hovane di danûstandina bi sivîlan re dişopînin, û ev yek jî bi bombebarankirina himbiz li ser gundên niştecihan û girtina sivîlan, û leşkerkirina zarokan di nav rêzên xwe de diyar e.
Jêder: Ofîsa Ragihandinê ya Hevbendiya Niştimanî ya Sûrî
