Emîndarê Giştî yê Hevbendiya Niştimanî ya Sûrî Heysem Rehmê, tekez kir ku gelê Sûriyê, yê li deverên rizgarkirî, beşdariyê di cenga li ser Okranya de nake, û napejrîne ku bibe perçeyek ji tawanên pîs ên ku hêzên Rûsî dijî gelê Okranya pêk tînin.
Û Rehmê cext kir ku gelê Sûriyê piştgiriya gelê Okranya di berxwedana wî ya lehengane de li hember dijminkariya Rûsiya dike, û diyar kir ku gelê Sûriyê ji yazdeh salan de di xebata ji bo rizgarkirina welatê xwe ji dagîrkerên Rûrsî û Îranî û rûxandina rijêma Esed yê ku bûye amûr li bal Putin û Xamîneî de berdewam e.
Û Emîndarê Giştî tekezî li ser tiştê ku di daxwiyaniyên Serokê Okranya Volodymir Zellinsky de hatiye kir, yê gotiye ku dijminê Rûsî tiştê ku li Sûriyê pêk aniye niha li Maryobol û bajarên Okranya yên dîtir pêk tîne, û got ku kiryarên ku Rûsiya li Okraniya îro pê radibe, ji heft salan de li Sûriyê pêk tîne, û Rûsiya bazar û deverên nişteciyan û nexwaşxane û firneyan armanc dike, û bi dehên hezaran ji kesên bêguneh kuştin, û bi melyonan Sûrî koçber kirin.
Û Rehmê bal kişand ser ku rijêma Rûsî dijminê hevbeş ê herdû gelên Sûriyê û Okranya ye, ji ber ku aboriya herdû dewletan ruxand û ewlehî û aramiya herdû welatan têk bir, û xewnên jiyaneke aştiyane û azad û demoqratîk wêran kirin.
Jêder: Ofîsa Ragihandinê ya Hevbendiya Niştimanî ya Sûrî
