Emîndarê Giştî yê Hevbendiya Niştimanî ya Sûrî Heysem Rehmê, redkirina xwe anî ziman ji awayê danûstandina Netewên Yekbûyî bi rijêma Esed re, û xwestina wê ji erêkirina rijêmê re ji bo vekirina herdû derwazên sînorî (Bab Elhewa û Elra’î),û bal kişand ser ku hêzên leşkerî yên şoreşê ew in yên ku wê deverê kontrol dikin.
Û Rehmê got ku rijêma Esed rijêmeke qirkirinê ye û bi pêkanîna bisedên komkujîyan tuhmetbar e, û rewabûna xwe ji dest daye, û nûnertiya gelê Sûriyeyê nake, û berpirsyarê sereke ye di ber kirîz û bobelatên ku ji deh salan zêdetir de tên serê Sûriyan.
Û got ku serkirdayetiyeke danpêdana navdewletî pê heye deverên rizgarkirî rêve dibe, û yekcar nayê pejrandin ku Netewên Yekbûyî bi vî awayî alîgiriya rijêma Esed bike.
Û Rehmê bal kişand ser pêwîstiya berdewamiya gihandina alîkariyên mirovî û bi qebareyek mezintir di sînoran re, ji ber dijwarbûna derdeseriyên mirovî piştî erdheja 6ê sibatê, û berdewamiya binpêkirinên rijêma Esed û hevalbendên wê.
Û di çarçoveyeke din de, Rehmê haydarî ji metitsiya tiştê ku li Libnanê dermafê penaberên Sûrî pêk tên da, û tekez kir ku gelek kesên ku bi zorê hatibûn vegerandin bo deverên di bin kontirola rijêma Esed de hatin girtin, û di zindanên rijêma tawankar de hatin îşkencekirin.
Û Rahmê ji rêxistinên Netewên Yekbûyî û civaka navdewletî xwest ku destwerdanê bikin ji bo rawestandina dersînorkirinên kotekî û parastina mafên penaberên Sûrî yên li Libnanê û radestnekirina wan ji kujerê wan re.
Jêder: Ofîsa Ragihandinê ya Hevbendiya Niştimanî ya Sûrî