Emîndarê Giştî yê Hevbendiya Niştimanî ya Sûrî Heysem Rehmê piştî komkujiya hovane ya hêzên Esed û milîsên ku piştgiriya wan dikin li gundê Qeqfîn li gundewarê Idlibê îro Şemiyê pêk aniye, got ku tawaniya îro li gundewarê Idlibê dermafê sivîlên ku li debara jiyana xwe digeriyan, tawaneke cengê ya hovane ye, ji aliyê rijêmeke hovane ve pêk hatiye, bi piştgiriya milîsên terorîst û bêdengiyeke şerm a navdewletî derbarê xwîna Sûriyên bêguneh e, yên ku ev 12 sal in nehatiye rawestandin.
Û Rehmê got ku divê rijêma Esed, Rusya û Îran yên ku sponseriya milîsên mezhebî dikin, ji ber bi sedan tawanên cengê û tawanên dijî mirovatiyê yên ku kirine bên sizakirin, bêdengiya navdewletî ya ku em dibînin lekeyeke şermê ye di dîroka mirovahiyê de, dûrketina ji prensîb û sinciyê ye, û pabendnebûna civaka navdewletî bi berpirsyariyên xwe derbarê Sûriyan çiraya kesk li seranserê cîhanê dide tawankaran ku bi hovîtiya xwe de herin.
Û Rehmê ji civaka navdewletî xwest ku bi lezgînî tevgerê bike, û komkujiyê li ser qada navdewletî şermezar bike, sizayên dijwar li ser sîstema tawanan bisepîne û mîkanîzmayên bibandor û vebir û zelal ji bo kartêkerkirina dadpirsîn û dadgehkirinê bibîne, li gel pêkanîna dadweriyê li Sûriyê da ku mafê qurbaniyan û malbatên wan û tevaya sûriyên ku daxwaza jiyana bi rûmet û ewle di serdema piştî Esed de bide dayîn, û amaje bi wê yekê kir ku cîbicîkirina biryara 2254 yek ji wan sozên navdewletî ye, ku dê Sûriyê ber bi qonaxeke nû ve biçe, û veguheztina siyasî têde.
Û Emîndarê Giştî sersaxî ji malbatên şehîdan û kesûkarên wan re xwest û ji Xweda sebr û aramî ji wan re xwest.
Û Hêzên Esed bi topa giran malbatek ku ji bo çinîna berhemên zeytûnan ji zeviyên xwe li gundê Qeqfînê dixebitîn armanc kir, ew jî bû sedema kuştina 10 karkeran di nav wan de zarok jî hebûn.
Jêder: Ofîsa Ragihandinê ya Hevbendiya Niştimanî ya Sûrî
