Emîndarê Giştî yê Hevbendiya Niştimanî ya Sûrî Heysem Rehmê, got ku divê civaka navdewletî bi rijêma Esed re wek tawankarekî navdewletî bide û bistîne, ji ber ku ew di warê navxweyî de di kuştina xelkê Sûriyê de berdewam e, û piştgiriya Rusiya di dagîrkirina Okraynayê de dike, û cîhan bi keresteyên hişbir noq kiriye, piştî ku deverên di bin kontirola xwe de kirine jêdera çêkirin û belavkirina keresteyên hişbir li dewletên cîhanê, bi alîkariya milîsên pêve girêdayî.
Û Rehmê tekez kir ku tawanên rijêma Esed li derveyî sînoran berfireh bûne, nemaze piştî beşdariya wê li gel Rusya di dagîrkirina Okraynayê de, bi şandina pisporên teqemeniyan yên ku di salên bûrî de ji bo çêkirina bermîlên teqîner bikar dianîn.
Û Rahmê behsa pêşketinên dawî kir, bi taybetî gazîkirina tawankarê cengê Beşar Esed bo Rusiya nirxand û got: “Eşkere bûye ku ev rijêm nûneratiya Sûriyê û xelkê wê nake, û desthilatê bi awayê çeteyan bi kar tîne, bêyî ku derdê Sûriyan bikşîne, ji ber ku axaftina wî ya li ser hebûna mayînde ya Rusyayê li Sûriyê, nîşana cîbicîkirina dagîrkeriyeke neyasayî ye.
Û Rahmê got: “Di dema ku serokê Okraynayê welatê xwe diparêze û gelê xwe berve serkeftinê de dibe, tawankarê cengê Beşar Esed, yê ku Sûrî kuştine û koçber kirine, reftarên wî rexne dike!”
Û Emîndarê giştî got ku gelê Sûrî yê azad û dezgehên şoreşê û opozisyona Sûrî, li kêleka Okraynayê ne û piştgiriya berevaniya wê ya rewa di ber xaka xwe de dijî dijminkariya ji derve dikin, û hêviya aramî û ewlehiyê ji wî welatî û Sûriyê û gelên wan re dikin, bi hêviya ku aramî lê vegere piştî têkçûna hêzên tawankar.
Û Emîndarê giştî got: “Tevî îflasa rijêma Esed ya tawankar û sizayên li ser wê hatine sepandin, lê ew hîn xizmetguzariyan ji Rusya re pêşkêş dike, û di warê siyasî de li kêleka wê radiweste, û ti boneyê nahêle bêyî ku li kêleka wê be, piştî ku ji salan de û heta niha di şerê li dijî gelê Sûriyê de piştgiriya wê kiriye.”
Û berdewam kir û got:”Mana rijêma Esed li Sûriyê metirsiyek e li ser aştî û ewlehiya navdewletî, ji ber ku ew rijêmeke qirkirinê ye, û hevkarekî sereke ye ji Rusyayê re di gelek waran de, û nayê pejrandin ku civaka navdewletî platforman di Netewên Yekbûyî û forumên navdewletî de pêşkêşî wê bike, da ku derewên xwe lê belav bike.”
Û Emîndarê Giştî yê Hevbendiya Niştimanî di dawiya daxwiyaniya xwe de got: “Em rijd in li ser têkoşîn û xebatê bi hemû awayên rewa ta pêkanîna daxwazên azadî û rûmetê û serkeftina şoreşa Sûriyê ya gewre, ya ku îro derbasî sala xwe ya 13emî dibe, bi heman rijdiya ku di sala 2011 de hate destpêkirin.”
Jêder: Ofîsa Ragihandinê ya Hevbendiya Niştimanî ya
