Emîndarê Giştî yê Hevbendiya Niştimanî ya Sûrî Heysem Rehmê, tekez kir ku helmeteke pilankirî ji aliyê rijêma Esed a tawankar û dewlet û rêxistinên piştgirên wê ve heye, bi armanca bikaranîna bobelata erdhejê ji bo biserxistina xwe û rizgarkirina çermê xwe ji sizayên navdewletî.
Û Rehmê diyar kir ku alîkariyên navdewletî ne di nav sizayên navdewletî de ne, lê siza arasteyî serokê rijêma tawankar û kesên derdora wî û her kesê girêdayî dezgehên ewlekarî û artêşa tawankar in, û ti bandorek wan li gelê Sûriyê tune ye, û şert û mercên dijwar ên ku gelê me li deverên di bin kontirola rijêmê de tê de dijî, ji encama gendelî, dizî û çavbirçîbûna çetyeyên desthiladar e, ne ji encama sizayan e, û Rehmê anî ziman ku çi hilanîna sizayan ji ser rijêmê û hêzên wê, tê wateya vegerandina karîna wê ya tepeserkirinê careke din dijî gelê Sûriyê û ne tiştekî din e.
Û Rehmê got ku çi alîkariyek ji gelê me re were şandin, kare biçe hemû deverên Sûriyê, bêyî ku pêwîstî bi ti rêşûnekê ji bo rakirina sizayên navdewletî ji ser Esed û dezgehên wî yên ewlekariyê hebe.
Û Rehmê tekez kir ku rijêma tawankar xwediya dîrokeke dirêj e di diziya alîkariyên navdewletî û bikaranîna wan ji berjewendiya milîs û hêzên xwe yên leşkerî re, û xwe pê bihêz bike daku bêtir xelkê Sûriyê bikuje, û Rehmê daxwaza mîkanîzmayên cîbicîkirinê yên vebir kir, da ku alîkarî bi awayekî misoger bighên kesên pêwendîdar bêyî ku di nav lepên rijêma tawanbar û gendelên wê re derbas bibe.
Û Emîndarê Giştî yê Hevbendiya Niştimanî tekez kir ku deverên ku herî zêde ji erdhejê ziyan dîtine, li deverên rizgarkirî ne, û li derveyî deverên di bin kontirola rijêmê de ne, lê tevî wê yekê ti beş ji alîkariyên ku derbasî deverên rijêmê bûne negihştine destê xelkê hewcedar.
Û Rehmê xwest ku ti kes neyê xapandin bi piropagendeya rijêmê ya ku armanc jê rewakirina rijêma ku bidehên qatan ji erdhejê zêdetir ziyan gihandiye Sûriyan, û daxwaza derbaskirina alîkariyan di sînoran re û di zêdetir ji dergehekî re kir, da bighê xelkê hewcedar li bakurê Sûriyê ji ber ku niha bisedhezaran kes pêwîstiya wan bi bersiveke lezgîn heye.
Jêder: Ofîsa Ragihandinê ya Hevbendiya Niştimanî ya Sûrî