Emîndarê Giştî yê Hevbendiya Niştimanî ya Sûrî Heysem Rehmê, berdewamiya bombebarana hovane ya Rusya li ser Kîyêva paytexta Okraynayê û hejmarek ji bajarên din, ku di bombebaranê de navend û jêrxanên jiyanê bêyî ku guh bide hebûna sivîlan armanc dike, şermezar kir.
Û Rêhmê got ku Tiştê ku li Okraynayê ji ber tawanên Rusya dibe, hewcedarî bersivdaneke navdewletî ye ji Rusya û hevkar û hevalbendên wê re li her derê û li ser hemû astan.
Û got ku bombebarankirina binesaziyê ji aliyê Rusya ve, ne tiştekî nû ye, ji ber ku tevaya van kiryarên hovane li Sûriyê jî pêk anîne, û siyaseta xaka şewitandî bi kar anîye, û gelek bajar wêran kirine, û sivîl koçber kirine, û bûye sedema yek ji kirîzên mirovî yên herî dijwar.
Û Rehmê bal kişand ser pêwîstiya rawestana li hember sîstema tawankar (Rusya, Rijêma Esed, Îran) li her deverê, ji ber hevkariya xurt di navbera wan de, û pêkanîna wan ji gelek komkujî û binpêkirinan re li Sûriya û Okranyayê.
Û Emîndarê giştî yê Hevbendiyê, hevxemiya gelê Sûriyê li gel miletê Okraynî yê ku bûye qurbanê terora Rusya anî ziman, û hêviya aştî û ewlehî û azadî û rizgariya ji hêzên tawankar bo Sûriyê û Okrayna xwest.
Jêder: Ofîsa Ragihandinê ya Hevbendiya Niştimanî ya Sûrî
