Emîndarê Giştî yê Hevbendiya Niştimanî ya Sûrî Heysem Rehmê, piştgirî û piştevaniya xwepêşandanên gelêrî yên ku xelkê me li Siwêda pê rabûne û tê de daxwaza rûxandina rijêma Esed kirine anî ziman.
Û Emîndarê Giştî di daxwiyaniyên xwe de îro got ku di dema ku em li kêleka xelkê xwe li Siwêda radiwestin, em tekeziyê li ser yekîtiya niştimanî dikin û şanaziyê bi lehengiya gelê xwe û pêgiriya wî bi mafên wî dikin, û em tekeziyê li ser retkirina tawanên rijêmê dijî gel û tevaya şêweyên dijminkariyê ji aliyê milîsên Rûsî û Îranî ve dikin.
Û Rehmê tekez kir ku metingên nerazîbûnê yên dilêrane yên ku xelkê Siwêda tevî zehmetiya ewlehiyê û hebûna milîsên rijêmê pê rabûye, pêgiriya gelê Sûrî bi daxwazên wî û vîna wî ya rûxandina rijêma qirkirnê û vegerîna serdariya niştimanî diçespîne.
Û Rehmê bal kişand ser ku ev xwapêşandan derbirîna daxwazên bêhtirê gelê Sûrî dikin, lê dorpêçkirina hêzên ewlehiyê û belvbûna milîsên mezhebî û milîsên Îranî nehiştin ku derbirîna raya xwe bikin, û cextî li ser berdewamiya şoreşa Sûrî ta gihiştina Sûriya azad û pêkanîna tevaya daxwazên sûriyan kir.
Û bal kişand ser ku ji Netewên Yekbûyî û dewletên xwedî-bandor di doseya Sûriyê de tê xwestin ku cîbicîkirina biryarên navdewletî û di pêşî de daxwiyaniya Cinêvê û herdû biryarên 2118 û 2254 û veguhestina siyasî ya tam, û bidawîanîna derdeseriyên gelê Sûrî û serbestberdana tevaya girtiyan û pêkanîna azadî û dadwerî û demoqrasiyê pêk bînin.
Jêder: Ofîsa Ragihandinê ya Hevbendiya Niştimanî ya Sûrî
