Emîndarê Giştî yê Hevbendiya Niştimanî ya Sûrî Heysem Rehmê, xweşhaliya xwe bi biryara dadweriya firansyê derbarê dadgehkirina sê berpirsên pilebilind ên rijlêma Esed li pêş dadgeha tawanan, bi gumanbariya beşdariya wan di kuştina welatiyên Sûrî-Fransî de anî ziman, û tekez kir ku dadgehkirina tawankaran garantiya pêkanîna veguheztina siyasî ye li welat, û pêkanîna daxwazên gelê Sûriyê ji bo azadî, rûmet û demokrasiyê ye.
Û du dadwerên lêkolînê yên Fransî, îro sêşemê, biryara dadgehkirina Elî Memlûk, Cemîl Hesen û Ebdulselam Mehmûd da, ji ber ku destê wan di kuştina Mazin Debax û kurê wî Patrîk de heye, yên ku di sala 2013an de li firokexaneya Mezê li Şamê ji aliyê Îstixbarata Hêza Asîmanî ve hatibûn girtin.
Û Rehmê cext kir ku rijêma Esed tawanên herî hovane dermafê Sûriyan pêk anîne, û ew nikare bibe beşek ji çareseriyê li Sûriyê, û bal kişand ser pêwîstiya piştgirîkirina proseya dadpirsîna tawankarên cengê, ku ev xaleke bingehîn e di biryarên navdewletî yên girêdayî pirsa Sûriyê de, û di serî de daxwiyaniya Cinêvê û biryarên 2118 û 2254 e.
Û Rehmê tekezî li ser giringiya vê biryarê di dema hewldanên dubarekirina biserxistina rijêmê û nêzîkbûna ji wê kir, û got ku rijêm reftarên xwe naguhere, û dê li ser têkdana ewlehî û aramiya deverê û anîna milîsên mezhebî ji Îranê berdewam be.
Û Elî Memlûk berê postê Rêvebirê Îstixbarata Giştî wergirtibû, û di sala 2012an de bû serokê Ofîsa Ewlekariya Niştimanî, ku bilindtirîn dezgeha îstixbaratê ye li Sûriyê, û Cemîl Hesen jî wek Serokê Dezgeha Îstixbarata Hêzên Asmanî bû, û lîwa Ebdulselam Mehmûd berpirsê vekolînê bû, û di Dezgeha Îstixbarata Hêza Esmanî de li zindana Mezeh li Şamê kar dikir, û ew baregeh yek ji xwînrêjtirîn cihên girtinê ye li welêt, li gorî Komîteya Lêkolînê ya Netewên Yekbûyî.
Û Patrick Debagh jî xwendekarê Koleja wêje û zanyarên mirovî bû li Şamê, di sala 1993an de ji dayik bûye, û bavê wî şêwirmendê perwerdehiyê yê sereke bû di Dibistana Frensî de li Şamê, û di sala 1956an de ji dayik bûye, ew di heyva mijdara 2013an de ji aliyê efserên ku gotibûn ew girêdayî istixbarata asîmanî ne hatin girtin.
Û li gor gotina zavayê Mazen Debagh, yê ku hevdem li gel wî hatibû girtin, lê piştî du rojan hatibû berdan, ku ew herdu kes jî bo zîndana Mezzê hatin veguhestin, û piştre ti nîşanek ku ew hîn sax bûn diyar nebû, heta ku rijêmê mirina wan di tebaxa 2018an de ragihand, û li gorî belgeya mirinê ya herdûyan, Patrick di 21ê çileya paşîna2014ê de miriye û Mazin di 25ê Mijdara 2017an de canê xwe jidest daye.
Jêder: Ofîsa Ragihandinê ya Hevbendiya Niştimanî ya Sûrî