Emîndarê Giştî yê Hevbendiya Niştimanî ya Sûrî Heysem Rehmê, xweşhaliya xwe bi bizavên Okraynayê yên dijî rijêma Esed anî ziman, û ya herî dawî pêşkêşkirina pêşniyarekê ji aliyê hikûmeta Okraynayê ve ji bo sepandina sizayên nû li ser rijêma hov.
Û Rahmê spasiya serkirdayetiya Okraynayê û gelê wê kir li ser rawestana wan li kêleka gelê Sûriyê yê ku daxwaza azadiya xwe kiriye û zêdetir ji 12 salan e têkoşîna xwe li dijî hêzên tawankar berdewam dike, û tekezî li ser mafdarbûna dozên Sûriyê û Okraynayê kir.
Û Rehmê bal kişand ser wê yekê ku hewlên hin dewletan di normalkirina têkliyan de dê çi alîkariyê di çareseriya dosyaya Sûriyê de neke, lê belê dê rijêmê vejîne, û wê han bibe li ser pêkkanîna tawanên zêdetir dermafê gelê Sûriyê, û got ku ev rijêm ji salên dirêj de ji bilî kîn û nefretê di hundirê xwe de bo ereban hilnagre, ji ber ku ew lîstikek e di destê serkarê wê yê Îranî de, û dewletên ku pêre têklî normal kirine ji qeyran, keresteyên hişbir û terorê pêve bi dest naxin.
Û Emîndarê Giştî bang li civaka navdewletî kir ku di dadpirsîna rijêma Esed de li ser tawanên ku pêk anîne, dudil nebin, û îzolekirina navdewletî li ser rijêmê tundtir bibe, ne tenê ji bo rêzgirtinê ji qurbaniyên rijêma tawankar e, lê ji bo parastina aştiya deverê, û kêmkirina bandora rijêma meleyan û rawestandina bazirganiya Kaptagonê, û zuhakirina gola mîlîsên mezhebî yên terrorist yên ku rijêma tawankar ew anîne.
Jêder: Ofîsa Ragihandinê ya Hevbendiya Niştimanî ya Sûrî
