Emîndarê Giştî yê Hevbendiya Niştimanî ya Sûrî Heysem Rehmê, diyar kir ku rijêma Esed ya tawankar ji roja yekemîn a şoreşa Sûriyê de kiryarên kuştin û girtin û windakirinê bi awayekî rêbazkirî bikar anîn, di pey re lav ji dagîrker û nandozên her derê kirin ji bo kuştina gelê Sûriyê û bêdenkirina bangên azadiyê, û çekên curbecur tevî bermîlên teqîner û çekên kîmawî û mûşekên bihêz diteqin bikar anîn.
Û Rehmê tekez kir ku rijêma Esed hîn di tawanên xwe de berdewam e, û derew û sextekariyan bi şêweyekî eşkere û cihê pêkenînê ji bo xapandina cîhanê û gelê Sûriyê dike, û vê dawiyê xwe kiriye ku girtiyan bi navê “mersûmê lêborînê”berdide.
Û Rehmê got ku serbestberdana çend sed kesan ji binyada bisedhezarên girtîyan, û hiştina bi hezarên malbetan ku wêneyên lawên xwe hilgirin, û lava ji yên ku ji zîndanan derketine bikin, daku piçek agahiyan li ser girtiyên xwe ji wan werbigrin, û zanibin ku zindî mane an hatine kuştin, ev tev derewên rijêma Esed yên berê û yên niha derbarê girtiyên di zîndanîn wê de eşkere dikin.
Û Emîndarê Giştî yê Hevbendiyê, diyar kir ku tiştek cihê şermezariyê ye ku tawankarê cengê yê di ber bi hezarên komkujiyan de berpisyar e, lêborînê dermafê qurbaniyan derîne. Û cext kir ku komkujiya Eltedamun yaku li vê dawiyê aşkere bûye, ya weke nimûneyeke kiryarên rijêma Esed û tevaya amûrên wê yên ewlekariyê ye, hovîtiya bê sînor û şêweyê danûstandina tawankarî dermafê gelê bêçek yê tenê daxwaza azadiyê kiriye ji cîhanê tevî re diyar kir.
Û Rehmê got ku bi sedên komkujiyên ku rijêma Esed pêkanîne, û hevpeymaniya wê li gel rijêmên serkutkirinê yên hov wek Rûsiya û Îranê, dihêle ku dewletên hewla piştgiriya wê an xweşkirina têkliyan pêre didin, dewletin cihê şermezariyê û hevparên rijandina xwîna sûriyan û berdewamiya tirajîdiya wan bin.
Û Rehmê tekezî li ser berdewamiya şoreşê ta ruxandina rijêmê û dadgehkirina wê li dadgehên navdewletî û pêkanîna veguhastina siyasî li Sûriyê kir, daku mafê gelê Sûriyê di avakirina sûriya nû de yaku dê nirxên azadî û rûmet û dadmendiyê dûrî terora rijêma Esed misoger bibe.
Jêder: Ofîsa Ragihandinê ya Hevbendiya Niştimanî ya Sûrî
