Endamê desteya siyasî ya Hevbendiya Niştimanî ya Sûrî Cîhad Mar’î, tekez kir ku rêjîma Esed hîn bi mebest rê nade pêkanîna aramiyê li navçeyên rizgarkirî, lewra di armanckirina deverên sivîl û navendên jiyanê û kuştina sivîlan de bo têkdana jiyanê li wan deveran berdewam e.
Mar’î di daxuyaniyeke rojnamevanî de amaje bi wê yekê kir ku tawanên berdewam ên rêjîmê ji berî 13 salan de li dijî sivîlan, sedema sereke ya krîza mirovî li Sûriyê ye, ku di encamê de qebareya pêdiviyên mirovî mezin dibe û kirîza penaber û derbideran berdewam dike.
Mar’î tekez kir ku berdewamiya guhnedana navdewletî ji van tawanan re sedemek din a vê qeyranê û dirêjbûna dema wê ye, û dît ku ev şermeke berdewam e ji civaka navdewletî re, û daxwaza cîbicîkirina biryarên navdewletî yên derbarê Sûriyê bi awayekî vebir kir, û rejîma Esed neçar bikin ku armanckirina sivîlan rawestîne û wê di ber tawanan de siza bikin.
Berevaniya Sivîl a Sûrî, diyar kir ku hêzên Rêjîmê û Rûsiya di rojên borî de bombebarana xwe li ser navçeyên rizgarkirî dubare kirin, û diyar kir ku duh yekşemê di encama topbarana hêzên rêjîmê ji taxên nişteciyan li bajarokê Abzîmo li gundewarê Helebê yê rojava re, zarokek hat kuştin û diya wî bi giranî birîndar bû, her weha ziyanên madî yên mezin li nav malên sivîlan peyda bûn.
Berevaniya sivîl diyar kir ku roja şemiyê, 4ê gulanê, sivîlek hat kuştin û zarokek bi giranî birîndar bû, di encama topbarandineke din de jêdera wê navçeyên di bin kontirola hevbeş a hêzên rêjîmê û milîsên PYDê yên terorîst de bû, gundê El-Xûz yê li rojavayê bajarê Babê li gundewarê rojhilatê Helebê armanc kir.
Berevaniya Sivîl diyar kir ku rêjeya herî zêde ya êrîşan û qurbaniyan di meha kanûna paşîn de bû, bi pêkanîna 93 êrîşan, û di encamê de 10 sivîl hatine kuştin û 50 kesên din jî birîndar bûne, di pey re meha Adarê hatiye bi 92 êrîşan, têde 10 kes hatine kuştin û 25 sivîl jî birîndar bûne. Û meha sibatê di rêza sêyemîn de bû, bi 85 êrîşan têde 3 sivîl hatin kuştin û 24 kesên din jî birîndar bûne.
Jêder: Ofîsa Ragihandinê ya Hevbendiya Niştimanî ya Sûrî
