piştî rojekê ji ragihandina balyozê Rûsî li Netewên Yekbûyî Vîtalî Tişorkîn ku rejîmê bikaranîna bermîlên teqîner rawestandiye, firokên rejîma Esed derdora 30 Bermîlên Teqîner bi ser hejmarek ji deveran li Sûryayê avêtin, piraniya wan ji para bajarê Dareya bûn (Roja Şemiyê 31ê Cotmehê ).
Operasyona bumbebarankirinê, jibilî Dareya li Gundewarê Şamê (20 bermîl), bi ser bajarokê Nimr li Gundewarê Der`a (4 bermîl), bajarê Casim li Gundewarê Der`a (4 bermîl), bermîlek li ser gundê Tiwênê li Gundewarê Hema yê Rojava, di encamê de şehîd û birîndar ketin, hindek zarok û jin di nav wan de hene.
Endamê Hevbendiyê Bo Hêzên Şoreşê û Hevrikiya Sûrî Hewas Xelîl dît ku ev yek “Rastiya Rûsan têk dibe, yên hewl didin xwe wek misogerên rejîma Esed bidin xuyakirin ” û destnîşan kir ku daxuyaniya Tişorkîn” Tu nirxê rast tê de tune ye, û vajî gotinên rejîmê ye, ku hêzên wî vî cureyê çekan bikar nayne”.
Xelîl bal kişand ku daxuyaniyên Tişorkîn, û dûv re avêtina rejîmê ji bermîlan re” Tekez dike ku Rûsya piştgiriya rejîmekê dike çekên bitewşî bikar tîne, û tawanên cengê, û tawanên dijî mirovahiyê derheqê sivîlan pêk tîne”.
Endamê Hevbendiyê Ehmed Ewed tekez kir ku pirojeya biryara Firensî ya bi qedexekirin û tawankirina bikaranîna bermîlên teqîner ve girêdayî ye, niha ji her demê giringtir e, û tekez kir ku ” Divê Rûs keleman nexin pêş biryarê de, bi taybet ku ew dibêjin nûnerê wan li Şamê nema wan çekan bikar tîne”.
Ewed destnîşan kir ku ” Eger Rûsya mafê “Vîto” bikar anî bo biryarê têk bibe, wê ew mikurbûneke zêde be ku rejîma Esed ev çar sal vî çekê tawankar bikar dianî, hîn jî bikar tîne, û wê di pêşerojê de jî bikar bîne “.
Jêder: Hevbendî
