Berdevkê Fermî Bi Navê Hevbendiya Niştimanî Salim El –Mislit ragihand ku pêşketina bûyeran û lezgîniya wan li ser hemû eniyan diyar dike ku rejîma Esed bi awayekî rastîn dest bi herifandinê dike, bi taybet di dema armanckirina şoreşgeran ji xetên wî yên berevaniyê yên yekem re .
El –Mislit diyar kir ku “Rejîm hîn nikare tu awayî bo derengxistina herifandina xwe bibîne, ji bilî bumbebarankirina hovane û bermîlên teqîner ku bi ser sivîlan de davêje, ku êrîşa vê dawiyê li ser bajarê Der`a û Zebedanê tekez kir ku ew di hewldaneke têkçûyî de ye bo şoreşvanan neçarî paşketin û vegerê bike”.
El – Mislit destnîşan kir ku “Rejîma Esed bersiva pêşveçûna şoreşvanan li Der`a û Zebedanê û binketina hêz û milişiyên bi ser ve li hemû eniyan da, bi dijwarkirina bumbebarankirina bi balafirên cengê, sarûx, û bermîlên teqîner ji navendên sivîlan re li taxên Der`a- Elmedîne, û hejmarek ji gund û bajarokên derdorê armanc kirin, di encamê de kuştarek li bajarokê Nesîb çêbû û bêtir ji deh kesan şehîd ketin, şehîdek li bajarokê Besra El – Herîr ket, herweha birîndarin li Der`a Elmedine”.
Di heman demê de bal kişand ku “Di dema ku rejîm li derdora bajarê Zebedanê li sivîlan teng dike, di riya birîna riya Şamê ku nahêle xwarin û bûjenên sereke di meha Remezanê de ji bêtir 10 hezar malbat li Medaya, Bilûdan û Serxaya re derbas bibe, bumbebarankirina Zebedanê ji 5 rojan de berdewam e, bajêr bi hemû cureyên çekan armanc dike, di nav re zaniyariyin hene ku beşek ji bumbebarankirinê ji devera Encer li Libnanê û devera Kefer Zeyd ya nêzî wê pêk hatiye”.
El – Mislit Hikûmeta Libnanî berpirsyar kir di ber qedexekirina endamên Hizbillah a tirorist ji pêkanîna binpêkirinên berdewam li ser xaka Sûriyê, herweha binpêkirinên li ser milletê Sûrî. ji Civaka Navdewletî xwest ku pêşxistinên lezgîn li ser erdê bi çavekî baş bixwînin, û beşdariyê bi awayekî jidil di pêçana rûpela Esed ji dîroka Sûrî û deverê bikin, û piştgiriya hêviyên milletê Sûrî di veguheztina ber bi dewleta azadî, dadwerî, û hevwelatîbûnê de bikin.
Jêder: Hevbendî