Îro di daxuyaniyekê de Hevbendiya Niştimaniya Sûriyê daxwaz ji Civaka Navdewletî kir ji bo” lebateke rasteqîne li gor biryara Encûmena Ewlekariya Navdewletî hejmara 2118 bike, bo neçarkirina rêjîmê derbarê cêbicêkirina 6 xalên Jinêva yekem û damezrandina desteya fermanrewa ya veguhêz û radestkirina desthilatê bo Hikûmeteka niştimanî dawiyê li desthilatdariya zordestiyê bîne, tevlî tevahiya sîmbol û desteyên wê ve”, û di daxuyaniyê de hatiye ku” Hevbendiya Niştimanî daxwazê ji dewletrên bira û dost dike bo beşdariyeka kartêker jibo lêdana terora rêjîma Esed û terora rêxistina Daiş, û bo tawanbarkirina terora Hizibulah û Milîşeyên din li ser xaka Sûriyê, û hemû aliyan han dide li ser piştgiriya bizavên siyasî û leşkerî û yên ramangerî bo lawazkirina terorê û danîna stratîjeyeka mikum bo opozisyon amade be, ji bo dagirtina valahiya di navçeyên bêne rizgarkirin ji destê terorê, û zêdekirina pêşkêşkirina alîkariyên mirovî bo navçeyên bobelat li wam bûne, û dibîne ku kêmkirina alîkariyan bo komsyona penaberan derbarê Sûriya nîşanderekî nerênî ye ku wê bibe hokar di zêdekirina êşa milyonên penaberan “, û daxuyaniyê balkişandiye li ser ” Bêgoman biryara Encûmena Navdewletî ya hejmar 2170(15-08-2014) pêngavek giring e ji bo têkbirina terorê, lê kêm e, ji ber ku bi awayekî diyar terora rêjîma Esed û terora Mîlîşeyên milî bi xwe negirtiye, ku Hevbendiya Niştimanî destnîşankirina vê yekê dibîne wek hokarekî giring ji bo jinavbirina terorê ji ber ku teror bi sercem şêweyên xwe ve reftarek dûre ji mirovahiyê û piransîpên pêkvejiyanê yên ku ji hezarên sala de rojhilat têde dijî dûr e “. Herwiha Hevbendiya Niştimanî destxweşî li zanayên olî yên Şamê kiriye û amaje bi rola wan kiriye di dijberiya terorê de bi rêka derxistina daxuyanî û fetweyên olî bi tawanbarkirina diyardeya terorê û dazanîn ku:” pêwîstiya çareseriya fayilê terorê bi stratîjiyeka berfereh heye, ku aliyê serbazî derbas bike, bo dîtina çareseriyeka siyasî ya sertaserî û têde xwestek û daxwazên miletê sûriyê û armancên şoreşa wê dabîn bike, herwiha pêwîst e kar bête kirin bo wêrankirina bingehên terorê yên ramangerî, û em kombenda zanayên olî yên sûriyê sipas dikin, ya pêşwext bû di dijîtaya vê diyardeyê de, bi derxistina fitwayên olî bi tawanbarkirina terorê, tevlî rêgirtinê li pêş tevlîbûna xwebexşan li nav rêzên rêxistinên terorîst ku pêdiviya hevkariyeka navdewletî di vî warî de bête kirin”. di heman demê de Hevbendiyê di daxuyaniya xwe de tekez kiriye ku” serkeftina her stratîjiyekê di berhingariya terorê di sûriya de, pêwîstî bi piştgiriya artêşa Azad û pirçekirina wê bi çekên coreyî yên dijfirok jibo rûbirûbûna firokên Esed yên rojane mûşek û bermîlên teqîner li seranserî Sûriya davêjin heye”. herwiha tekezî li ser bêalîkirina sivîlan dike û şopandina rêşûnên pêwîst bo parastina wan ji encamên kiryarên serbazî. Herwiha Hevbendiya Niştimanî pêşewazî li daxwaza komara Tirkiya kiriye bo avakirina navçeyeka dijfirînê û navçeyeka asa li jêr çavdêriya Netewên Yekgirtî de bo peydakirina parastinê bo milyonên penaber û awareyên sûrî û rêgirtin li ber kuştarên rêjîma Esed li ser wêrankirina gund û bajaran, û daxwaz dike ev navçe li bakur û başûrê Sûriya bêne avakirin”.
Jêder: Hevbendî
