Emîndarê giştî yê Hevbendiya Niştimanî Sûrî Mihemed Yihya Mektebî li gel Serokê Hevgirtina Sûrî ya Azad bo Gogapê di hevdîtina duhî de li ser Damezirandina Komîta Bala ya Werzişê lihev kirin, ko ji kesayetiyên Werzişî yên navdar di piraniya lîstikan de pêk tê, û ew ji bo amadekirina bihngeh û bendên avakirina Werzişa Sûrî ya nûjen di têgehên karê akadîmî û taybetmend de.
Komît wê doza lidarxistina Kongirê giştî yê Werzişa Sûrî bike, û vexwendinê ji Werzişvanan re bişîne da li Kongir amade bibin. Û di paşerojê de wê hemê sazî û hevgirtinên werzişî li ser bingeha vî kongireyî bi şêweyekî dîmoqrasî ava bibin .
Her wiha lihevkirin li ser vexwendinê ji hemû Dezgeh û Rêkxistinên Niştimanî û yên Ewropî û Herêmî ji bo beşdarbûnê di piştgiriya Werzişa Sûrî ya nûjen de di çarçoveya Girêbest û bendên çavdêriya werzişî, bazirganî û mirovî.
Mektebî diyar kir ko Hevbendî dê bi dosya Tawankariyên cengî yên di derheqê Werzişvanan de bûne ewê pê rabe. Ya ko Eymen Qaşîtt amade kiriye û ev dosya dê di nav lîsteya karê çi civîn an hevdîtinên digel kesayetiyên siyasî û nesiyasî jî de be.
Civînkaran tekez kirin ko Sûriyê ji hemû Sûriyan û Werzişvanan re ye û gerek roleke wan ya mezin di avakirina Welat de hebe. Bal kêşand ser ko dosya werzişa Sûrî pir giring e û bi yekgirtina hemû aliyan dê ji rêkxistina rêjîmê ya werzişê re derbeyeke xurt be.
Her wiha hate tekez kirin ko karîn dê ji bo piştgiriya derve jî ji Hevgirtinên Erebî û yên Ewropî dê hebe. Hevbendiyê li ser yekgirtina aliyan tekez kir û got çi kar ji derveyî evê pêşinyazê dê ji werzişa Sûriyê cuda be. Her du aliyan li ser giringiya karê Hevgirtinê li evê qonaxê tekez kir û yê serkeftina xwe ji xortên Werzişvan li ser xakê biriye.
Meketebî xweşhaliya xwe ji bizava xortan ya bêhempa da ew xortên ko tekez kirin ko tiştê ewan kir di hemû biwaran de xeyrî wan nikarîbûn bikin, di yekgirtina aliyan û vejandina Gogapê.
Herwiha evê pingavê hêz da gelekan ji bo pêşxeriya kar li ser giringiya yekgirtina rêz û kadirên xwe di yek çeperê de ji bo misogerkirina amancên ko di xizmeta berjewendiya Welat de ne.
Lê belê Qaşît li ser serbixwetiya Hevgirtinê tekez kir, û got çi karê ko di xizmeta pirojeyê Niştimanî de be li hundirê welat em ê pê re bin. Berdewam kir Hevgirtina Werzişê dê bizavê bike ji bo yekgirtina aliyan dê digel hemû Werzişvanan de danûstandinê bike ji bo yekgirtinê bi cûreyekî serbixwe û dûr ji têwirdanên siyasî û abûrî be.
Hêjayî gotinê ye ko Hevgirtina Sûrî yî Azad ya Gogapê di pêncê hezîrana 2015an li jêr diruşma “ Gogapê ji bo jiyan berdewam bike.” hate damezirandin. Bargehê Hevgirtinê li Gundewarê Idlib yê Bakur e û piştî çend civînan di navbera akadîmî û Werzişvanan li Herêmên rizgarbûyî dikarîbû bêtir ji 1500 Werzişvanî ji çnd Herêman wek Hums , Gundewarê Idlib, Gundewarê Helebê, Gundewarê Laziqyê, Gundewarê Hemah, Gundewarê Şam û Dera kom bike. Û Dewriya xwe “Herêmên rizgarbûyî” bi nav kir ya ko ji çend Tîman pêk tê û roja Duşema derbasbûyî dest bi çalakiyên xwe kir.
Jêder: Hevbendî
