Rêveberiya peywendiyên derve ya Hevbendiya Niştimanî ya Hêzên Şoreşê û Rikberiya Sûriyê, çend hevdîtinên giring digel berpirsiyar û diblomasiyên wezaretên derve yên Emrîka, Elmanya, Belcîka, Firensa û Danîmark lidar xistin, bi amanca ko welatên wan helwestin jidil bidin derbarê rawestandina tawanên rêjîma Esed û Rûsya li Idlibê û gundewarê Hema yê bakur.
Hevrêzkarê birêveberiyê Ebdilehed Istêfo diyar kir ko gengeşe li ser giringiya pêkanîna tevgereke navdewletî ya rastyeqîn bo rawestandina şer bi tekûzî misoger bibe, û sivîl ji êrîşên berdewam bêne parastin.
Û destnîşan kir ko amanckirina rêjîmê û Rûsya ji bargehên zindîdar û yên bijîşkî re ne ji ber xwe ve ye, lê bi mebest e, bo tevgera sivîlan pûç bike û wan têke navbera du bijardeyan, an xwe radest bikin an jî derbider bibin, û diyar kir ko ew li gora yasayên navdewletî û ya mirovînî tawanên cengî ne.
Û got ku giring e dîsa piştgiriya mirovî û ya bijîşkî bibe, bo sivîl li herêmê sûde jê bigirin, û derfetê nedin rêjîmê û Rûsya bo bêtir fişaran bidin ser sivîlan.
Istêfo ji bandora dosya Idlibê li ser operasiyona siyasî û destpêkirina komîta destûrî hişyarî da û di hevdîtinan de tekez kir ku giring e biryarên navdewletî bêne parastin, û dibîne ko sûrbûna rêjîmê û Rûsya bo ferzkirina çareseriya leşkerî ya xwîndar ji derveyî wan biryaran, Netewên Yekgirtî dike ber gumanê.
Her weha birêveberiya peywendiyên derve ya Hevbendiya Niştimanî telefon bi Yekîtiya Ewropî re kir û diyar kir ko rewşa xerab ya derbideran bi sedema bombebarana tund dijî gund û bajar û bajarokan, diyar kir.
Istêfo dîsa dubare tekez kir ko eger derbiderbûneke din çêbibe Idlibek din nîn e, û hişyarî da ko pêleke koçberiyê dîsa çêbibe bi taybetî ko Idlib çar milyon derbider û koçberên ko ji piraniya herêmên Sûriyê hatine dihewîne.
Jêder: Ofêsa Ragehandinê ya Hevbendiya Niştimanî